Ваенна-гістарычны турызм

Са спрадвечных часоў Беларусь была арэнай ваенных дзеянняў. Многія мясціны захоўваюць памяць аб войнах, якія пракаціліся па тэрыторыі краіны. У рэспубліцы захаваліся замкі і храмы, якія трымалі абарону; у гонар знамянальных бітваў узведзены помнікі і стэлы; у музеях краіны сабраны багатыя калекцыі ваеннай гісторыі; шматлікія экскурсіі, якія арганізоўваюцца, дазваляюць наведаць палі былых бітваў, што адбываліся ў розныя перыяды на тэрыторыі Беларусі.

Па месцах баявых дзеянняў 1812 г. падрыхтаваны шэраг турыстычных маршрутаў. Напрыклад, у Мінскай вобласці распрацавана сем турыстычна-экскурсійных кірункаў, у прыватнасці, да месца пераправы войскаў Напалеона праз раку Бярэзіну ля вёскі Студзёнка  што пад Барысавам.

Выбітным сімвалам супраціўлення падчас Другой сусветнай вайны стала Брэсцкая крэпасць – адно з найбольш вядомых месцаў Беларусі. Трагічны напамін аб жахах вайны захоўвае і мемарыяльны комплекс “Хатынь", які нагадвае нашчадкам пра трагедыю звыш 600 беларускіх вёсак, жыхары якіх жывымі былі спалены фашысцкімі акупантамі.

У гісторыка-культурным комплексе “Лінія Сталіна”, ваенна-гістарычным музеі пад адкрытым небам, сабрана ўнікальная, найбольш поўная ў Беларусі экспазіцыя ўсёй былой на ўзбраенні ў розныя гады ваеннай тэхнікі, артылерыі, танкаў, авіяцыі, стралковай зброі, узноўлены фартыфікацыйныя ўмацаванні.

У краіне дзейнічаюць клубы, якія займаюцца рэканструкцыяй гістарычных падзей. Прымаючы ўдзел у розных фестывалях, яны дапамагаюць акунуцца ў атмасферу той эпохі, калі ішла барацьба за жыццё, за незалежнасць сваёй зямлі.

Спасылкі на інтэрнэт-рэсурсы

Міністэрства спорту і турызму Рэспублікі Беларусь

Беларусь у Першай сусветнай 

Помнікі Вялікай Айчыннай вайны ў Беларусі

1812 год у гісторыі Беларусі

Фотаэнцыклапедыя Беларусі. Ваенна-гістарычны турызм

Belarus.by. Ваенна-гістарычны турызм у Беларусі