Закрыть
image description
Встреча студентов с учеными НАН РБ. Фото Г. Жинкова. БЕЛТА
Сустрэча студэнтаў з вучонымі НАН РБ. Фота Г. Жинкова. БЕЛТА
Meeting students with scientists of the NAS of Belarus. Photo by G. Zhinkov. BELTA
image description
Макет белорусско-российского спутника. Фото М. Гучека. БЕЛТА
Макет беларуска-расійскага спадарожніка. Фота М. Гучака. БЕЛТА
Model of the Belarusian-Russian satellite. Photo by M. Gucek. BELTA
image description
Международное научно-техническое и инновационное сотрудничество
Міжнароднае навукова-тэхнічнае і інавацыйнае супрацоўніцтва
International scientific, technical and innovative cooperation
image description
Онлайновые технологии
Анлайнавыя тэхналогіі
Online technology
image description
Национальная академия наук Беларуси
Нацыянальная акадэмія навук Беларусі
National Academy of Sciences of Belarus

Навука і інавацыі

Сучасная беларуская навука – гэта магутная інтэлектуальная індустрыя, якая развіваецца з прыцэлам на практыку, на ўкараненне вынікаў даследаванняў ва ўсе сферы народнай гаспадаркі краіны. Рэкамендацыі вучоных леглі ў аснову найважнейшых нацыянальных праграм: па атамнай энергетыцы, космасе, рэсурсазберагальных тэхналогіях, развіцці сяла і малых гарадоў Беларусі.

Беларусь уваходзіць у лік дзяржаў з высокім узроўнем навукова-тэхнічнага развіцця. За апошнія гады ўдалося захаваць і ўмацаваць навуковы патэнцыял краіны. Па стане на канец 2017 г. у рэспубліцы акрэдытаваны 222 навуковыя арганізацыі, у тым ліку 76 арганізацый Нацыянальнай акадэміі навук Беларусі, 36  – Міністэрства адукацыі, 25 – Міністэрства аховы здароўя, 13 – Міністэрства прамысловасці, 9 – Дзяржаўнага камітэта ваеннай прамыслолвасці, 63 арганізацыі іншай ведамаснай падпарадкаванасці. Доля занятых навуковымі даследаваннямі і распрацоўкамі – каля 0,6% ад занятых у эканоміцы. Колькасць даследчыкаў у разліку на 1 млн жыхароў у 2016 г. складала 1776 чалавек.

Адной з прыярытэтных задач дзяржаўнай навукова-тэхнічнай палітыкі з'яўляецца фарміраванне эфектыўнай арганізацыйнай мадэлі айчыннай навукі. Яна павінна ўяўляць сабой цэласную сетку тэхнічна абсталяваных, укамплектаваных кваліфікаванымі кадрамі, дастаткова вялікіх і ўстойлівых у фінансавым плане арганізацый, якія выконваюць фундаментальныя даследаванні сусветнага ўзроўню і ствараюць прыкладныя распрацоўкі па прыярытэтных напрамках  развіцця навукі і тэхналогій з высокім узроўнем канкурэнтаздольнасці.

Важнае месца ў інавацыйнай інфраструктуры займаюць навукова-тэхнічныя цэнтры, якія павышаюць эфектыўнасць узаемадзеяння навукі і вытворчасці. Дзейнасць вучоных накіравана на рашэнне задач па мадэрнізацыі прамысловасці і фарміраванні новай інавацыйнай эканомікі, стварэнне новых вытворчасцей 5-га і 6-га тэхналагічных укладаў.

Сярод прыярытэтных напрамкаў развіцця інавацый у краіне – рэсурсазберагальныя і энергаэфектыўныя тэхналогіі, прамысловыя біятэхналогіі, нанаматэрыялы і новыя крыніцы энергіі, медыцына і фармацыя, інфармацыйныя і аэракасмічныя тэхналогіі, тэхналогіі вытворчасці, перапрацоўкі і захоўвання сельскагаспадарчай прадукцыі, экалогія і рацыянальнае прыродакарыстанне.

Вялікая ўвага надаецца інфармацыйнаму забеспячэнню навукі і інавацый. Найбуйнейшымі бібліятэкамі краіны створана база даных "Вучоныя Беларусі.   Гэта карпаратыўны фактаграфічны інфармацыйны рэсурс, які змяшчае даныя аб асобах, якія маюць вучоныя ступені доктара/кандыдата навук, вучоныя званні; навуковых работніках і выкладчыках ВНУ, – аўтарах навуковых публікацый; інфармацыю пра навуковыя арганізацыі і іх структурныя падраздзяленні, а таксама вышэйшыя навучальныя ўстановы, дзе працуюць вучоныя.

Звесткі аб беларускіх навукоўцах і спецыялістах навукова-тэхнічнай сферы і вытворчасці: біяграфіі, галіна навуковай і вытворчай дзейнасці, дасягненні, узнагароды, спіс асноўных навуковых публікацый, бібліяграфічныя апісанні патэнтаў на вынаходніцтвы і карысныя мадэлі Рэспублікі Беларусь прадстаўлены ў базе даных Рэспубліканскай навукова-тэхнічнай бібліятэкі "Вынаходнікі Беларусі".
З мэтай развіцця супрацоўніцтва навукоўцаў-суайчыннікаў, якія працуюць у Беларусі і па-за яе межамі, абмену ідэямі і вопытам на Нацыянальным навукова-тэхнічным партале Рэспублікі Беларусь прадстаўлены праект віртуальнага месца сустрэчы "Беларускія навукоўцы за мяжой".

2017 год у Беларусі быў абвешчаны Годам навукi.

Дзейнасць у сферы навукі і інавацый рэгулюецца  наступнымі законамі: