Фінансы
Фінансава-крэдытная сістэма Беларусі складаецца з бюджэтнага сегмента, банкаўскай сістэмы, а таксама ўключае фінансавыя сродкі пазабюджэтных фондаў, прадпрыемстваў, устаноў, арганізацый і грамадзян.
На тэрыторыі рэспублікі праводзіцца адзіная бюджэтна-фінансавая, падатковая, грашова-крэдытная, валютная палітыка. Нацыянальнай валютай з'яўляецца беларускі рубель. Функцыю кіравання, планавання і прагназавання ў фінансавай сферы ажыццяўляюць Міністэрства фінансаў, Міністэрства эканомікі, а таксама Нацыянальны банк Рэспублікі Беларусь.
Мэта, задачы і прыярытэтныя кірункі развіцця фінансавага рынку Рэспублікі Беларусь на сярэднетэрміновую перспектыву вызначаны Дзяржаўнай праграмай «Кіраванне дзяржаўнымі фінансамі і рэгуляванне фінансавага рынку» на 2020 год і на перыяд да 2025 года. Сярод чакаемых вынікаў выканання праграмы – збалансаванасць і ўстойлівасць бюджэтнай сістэмы, павышэнне якасці кіравання дзяржаўнымі фінансамі, далейшае развіццё рынку каштоўных папер, страхавой і аўдытарскай дзейнасці.
Бюджэтная сістэма Рэспублікі Беларусь уключае рэспубліканскі і мясцовыя бюджэты. Даходы бюджэту фармiруюцца за кошт падаткаў, якiя вызначаюцца законам, іншых абавязковых плацяжоў, а таксама іншых паступленняў. Агульнадзяржаўныя расходы ажыццяўляюцца за кошт рэспубліканскага бюджэту ў адпаведнасці з яго расходнай часткай. Згодна дзеючаму заканадаўству могуць стварацца пазабюджэтныя фонды.
Банкаўскі кодэкс Рэспублікі Беларусь забяспечвае поўнае сістэмнае рэгуляванне банкаўскай сферы краіны, якая ўяўляе сабой прынятую ў міжнароднай практыцы двухузроўневую сістэму, што складаецца з цэнтральнага банка – Нацыянальнага банка Рэспублікі Беларусь – і камерцыйных банкаў другога ўзроўню. На 22.01.2024 г. на тэрыторыі рэспублікі дзейнічаюць 23 банкi і нябанкаўскія крэдытна-фінансавыя арганізацыі. Нацыянальны банк як галаўная арганізацыя рэгулюе крэдытныя адносіны, грашовае абарачэнне, вызначае парадак разлікаў і валодае выключным правам эмісіі грошай. З 1992 г. супрацоўнічае з Міжнародным валютным фондам. На рознічным банкаўскім рынку Беларусі лідзіруючыя пазіцыі займае «Беларусбанк», які прапануе новыя і ўдасканальвае дзеючыя тавары і паслугі, улічваючы інтарэсы і патрэбы ўсіх катэгорый кліентаў. У рамках міжнароднай прэміі «Banking Awards 2021» «Беларусбанк» атрымаў узнагароду у намінацыі «Лепшы рознічны банк».
Плацёжная сістэма "Белкарт" забяспечвае трымальнікам банкаўскіх плацёжных картак, прадпрыемствам гандлю і сэрвісу, банкам доступ да бяспечнай і хуткай сістэмы электронных плацяжоў на ўсёй тэрыторыі Рэспублікі Беларусь. Устаноўленыя правілы і працэдуры плацёжнай сістэмы з'яўляюцца асновай для ажыццяўлення эмісіі, эквайрынгу, працэсінгу, а таксама правядзення разлікаў па аперацыях з выкарыстаннем картак «Белкарт».
З улікам сусветных тэндэнцый актыўна развіваецца рынак электронных грошай: з 9 лістапада 2004 г. у рэспубліцы дзейнічае першая беларуская сістэма «Электронныя грошы», прызначаная для ажыццяўлення плацяжоў у Інтэрнэце і з дапамогай SMS-паведамленняў. У цяперашні час выпуск у абарачэнне электронных грошай у краіне ажыццяўляюць восем банкаў.
Рэалізацыя на банкаўскім рынку інавацый, накіраваных на паскарэнне лічбавай трансфармацыі банкаўскага абслугоўвання і плацёжнай сістэмы дазволіць стымуляваць успрымальнасць нацыянальнай эканомікі да глабальных працэсаў лічбавай трансфармацыі і задзейнічае нявыкарыстаны патэнцыял эканамічнага росту.
Спасылкі на інтэрнэт-рэсурсы
Адзіны партал электронных паслуг
Асацыяцыя развіцця фінансавага рынку (АРФІН)
Банк развіцця Рэспублікі Беларусь
Дзяржаўная праграма «Кіраванне дзяржаўнымі фінансамі і рэгуляванне фінансавага рынку» на 2020 год і на перыяд да 2025 года
Нацыянальны банк Рэспублікі Беларусь
Рэспубліканская асацыяцыя мікрафінансавых арганізацый
Сбер Банк
Унутраная плацёжная сістэма Рэспублікі Беларусь «БЕЛКАРТ»