Прамысловы турызм
У пачатку 2000-х гадоў у Францыі, Англіі і Германіі нарадзіўся еўрапейскі прамысловы турызм. Тысячы кампаній, якія працуюць у гэтых краінах, штогод прымаюць турыстаў. Гэта не толькі забаўляльныя туры. Так прадпрыемствы стымулююць актыўныя продажы і паслугі ў сваіх гарадах.
У апошнія гады і ў Беларусі гэты напрамак набірае ўсё большую папулярнасць сярод замежных гасцей і беларусаў. Найбуйнейшыя айчынныя прадпрыемствы адчыняюць свае дзверы для ўсіх жадаючых. Флагманам у гэтым напрамку з'яўляецца БелАЗ. Турысты з задавальненнем фатаграфуюцца на фоне 450-тонніка, з асаблівай радасцю катаюцца на ім.
У рамках наведвання Мінскага трактарнага завода дапытлівы турыст можа паўдзельнічаць у зборцы трактара. Пасля чаго ён атрымлівае сертыфікат, які пацвярджае, што трактар з пэўным нумарам, які праз пару месяцаў адправіцца ў адну з афрыканскіх краін, сабраны ўласнаручна ім самім.
Таксама традыцыйнай папулярнасцю карыстаюцца такія прадпрыемствы нашай харчовай прамысловасці як "Камунарка", "Слодыч", "Спартак". На Тураўскім малочным камбінаце можна паглядзець, як вырабляюць рыкоту, маскарпоне і правалета ў беларускім варыянце. Турыстам будзе цікава даведацца, чым адрозніваюцца розныя віды сыроў і як правільна спалучаць іх з іншымі прадуктамі.
Візітнай карткай Беларусі для іншаземцаў, якія хочуць сутыкнуцца са старажытнай беларускай культурай, стала наведванне фабрыкі "Слуцкія паясы". А ў музеі гісторыі паясоў госці даведаюцца пра іх узнікненне, навучацца адрозніваць іх віды, а таксама разумець вышытую на іх сімволіку.
Многія замежныя госці цікавяцца тым, як вырабляецца прадукцыя, жадаюць паўдзельнічаць у тэхналагічных працэсах. На такіх экскурсіях у турыстаў ёсць магчымасць усё ўбачыць, памацаць рукамі, паспрабаваць на смак, прымерыць, а часам і набыць. Акрамя таго, для беларускіх кампаній гэта добры спосаб дэманстрацыі сваіх магчымасцей для замежных інвестараў.
Спасылкі на інтэрнэт-рэсурсы
Беларускі аўтамабільны завод (БелАЗ)
Экскурсіі па Беларусі. Беларускі экскурсійны партал
Экскурсія па кандытарскай фабрыцы "Камунарка"
Экскурсія па кандытарскай фабрыцы "Спартак"
Экскурсія па тураўскім малочным камбінаце