Лістапад

3 – Колас Якуб (сапраўднае імя Міцкевіч Канстанцін Міхайлавіч) (1882, г. Стоўбцы – 1956), народны паэт Беларусі, класік беларускай літаратуры, грамадскі дзеяч, вучоны, педагог, акадэмік НАН Беларусі, заслужаны дзеяч навукі Беларусі, лаў­рэат Дзяржаўнай прэміі СССР (1946, 1949) – 140 гадоў з дня нараджэння

3 – Палескі (сапраўднае Станкевіч) Вячаслаў Пятровіч (1912, Брагінскі раён – 1971), драматург, заслужаны дзеяч культуры Беларусі – 110 гадоў з дня нараджэння

7 – Скачкоўская Зінаіда Канстанцінаўна (1912, Ашмянскі раён – 1994), актрыса, тэатральны дзеяч, заслужаны работнік культуры Беларусі – 110 гадоў з дня нараджэння

7 – Чараднічэнка Ніна Данілаўна (1947, Нараўлянскі раён), спявачка (першы альт), заслужаная артыстка Беларусі – 75 гадоў з дня нараджэння

9 – Сакалоўскі Несцер Фёдаравіч (1902, Докшыцкі раён – 1950), кампазітар, хор­майстар, фалькларыст, адзін з арганізатараў Ансамбля беларускай народнай песні і танца Беларускай дзяржаўнай філармоніі, аўтар музыкі Дзяржаўнага гімна БССР (на вершы М. Клімковіча) – 120 гадоў з дня нараджэння

10 – Бранштэйн Якаў Анатольевіч (1897, Гродзенская губерня – 1937), беларускі і яўрэйскі крытык, літаратуразнавец, член-карэспандэнт НАН Беларусі – 125 гадоў з дня нараджэння

13 – Аркадзьеў (сапраўднае Цівунчык) Аркадзь Станіслававіч (1897, Навагруд­скі раён – 1969), акцёр і рэжысёр тэатра, заслужаны артыст Беларусі – 125 гадоў з дня нараджэння

13 – Данілаў Павел Аўрамавіч (1897, Крупскі раён – 1975), рэжысёр тэатра, дра­матург, заслужаны дзеяч мастацтваў Беларусі – 125 гадоў з дня нараджэння

14 – Багрым Паўлюк (Павел Восіпавіч) (1812, Баранавіцкі раён – 1891 ?), паэт – 210 гадоў з дня нараджэння

15 – Лапацінскі Ян Нікадзім (1747, Верхнядзвінскі раён – 1810), дзяржаўны і гра­мадскі дзеяч Вялікага Княства Літоўскага, мецэнат, калекцыянер, мастак-аматар – 275 га­доў з дня нараджэння

15 – Ярмоленка Анатоль Іванавіч (1947), артыст эстрады (лірычны тэнар), народ­ны артыст Беларусі, заслужаны дзеяч Рэспублікі Крым, лаўрэат прэміі Ленінскага камса­мола Беларусі (1984), кавалер ордэна Францыска Скарыны – 75 гадоў з дня нараджэння

16 – Беларускі саюз кінематаграфістаў (1962, г. Мінск), рэспубліканскае грамад­скае аб’яднанне – 60 гадоў з часу заснавання

17 – Асіповічы (1872, Магілёўская вобласць), горад, цэнтр раёна – 150 гадоў з часу заснавання

18 – Кавалёў Павел Нічыпаравіч (1912, Клімавіцкі раён – 1995), пісьменнік, заслужаны работнік культуры Беларусі – 110 гадоў з дня нараджэння

20 – Воінаў Аляксандр Пятровіч (20.11.1902 ці 3.12.1902–1987), архітэктар, вучо­ны, педагог, сярод аўтарскіх работ якога шэраг значных архітэктурных праектаў Мінска, член-карэспандэнт НАН Беларусі, заслужаны дзеяч мастацтваў Беларусі, заслужаны бу­даўнік Беларусі, лаўрэат Дзяржаўнай прэміі Беларусі (1968) – 120 гадоў з дня нараджэння

24 – Арэхва Мікалай Сямёнавіч (1902, Ашмянскі раён – 1990), гісторык, заслужа­ны работнік культуры Беларусі – 120 гадоў з дня нараджэння

25 – Бондарава Ефрасіння Леанідаўна (1922, Лёзненскі раён – 2011), кіназнавец, кінакрытык, сцэнарыст, заснавальніца нацыянальнай кіназнаўчай школы, заслужаны дзеяч навукі Беларусі, лаўрэат спецыяльнай прэміі Прэзідэнта Рэспублікі Беларусь (2002) і прэміі Саюза журналістаў Беларусі (1997) – 100 гадоў з дня нараджэння

29 – Юрцін Барыс Алегавіч (1932), архітэктар, лаўрэат Дзяржаўнай прэміі СССР (1989), сярод асноўных работ якога – станцыя метро «Парк Чалюскінцаў», шэрага праек­таў ландшафтнага дызайну, якія ўпрыгожваюць Мінск – 90 гадоў з дня нараджэння