Закрыть
image description
Dana Mall. Минск. Фото О. Манчук. БЕЛТА
Dana Mall. Мінск. Фота О. Манчук. БЕЛТА
Dana Mall. Minsk. Photo by O. Manchuk. BELTA
image description
В ОАО "БМЗ" реализуются инвестиционные проекты. Фото Г. Семенова. БЕЛТА
У ААТ “БМЗ” рэалізуюцца інвесціцыйныя праекты. Фота Г. Сямёнава. БЕЛТА
Investment projects are being implemented at "BMZ". Photo by G. Semenov. BELTA
image description
Беларусь и Китай создают фонд венчурных инвестиций. Фото Г. Жинкова. БЕЛТА
Беларусь і Кітай ствараюць фонд венчурных інвестыцый. Фота Г. Жинкова. БЕЛТА
Belarus and China create a venture capital fund. Photo by G. Zhinkov. BELTA
image description
Беларусь и Китай создают центр развития инновационных технологий. Фото Г. Жинкова. БЕЛТА
Беларусь і Кітай ствараюць цэнтр развіцця інавацыйных тэхналогій. Фота Г. Жинкова. БЕЛТА
Belarus and China create a center for the development of innovative technologies. Photo by G. Zhinkov. BELTA

Інвестыцыйная дзейнасць

Інвестыцыйная дзейнасць у рэспубліцы ажыццяўляецца на аснове Інвестыцыйнага кодекса Рэспублікі Беларусь і рэалізуецца ў наступных формах:

  • заснаванне камерцыйнай арганізацыі;
  • набыццё маёмасці або маёмасных правоў, а менавіта: долі ў статутным фондзе юрыдычнай асобы, уключаючы выпадкі павелічэння статутнага фонду юрыдычнай асобы; нерухомай маёмасці; каштоўных папер; правоў на аб’екты інтэлектуальнай уласнасці; канцэсій; абсталявання; іншых асноўных сродкаў.

Кодэкс вызначае агульныя прававыя ўмовы ажыццяўлення інвестыцыйнай дзейнасці ў Беларусі і накіраваны на яе стымуляванне і дзяржаўную падтрымку, а таксама на абарону правоў інвестараў на тэрыторыі краіны.

У рэспубліцы пастаянна вядзецца работа па паляпшэнні ўмоў інвесціравання. Садзейнічае гэтаму шэраг абставін: выгаднае эканоміка-геаграфічнае становішча Беларусі, прывабны інвестыцыйны клімат, развітая інфраструктура, наяўнасць кваліфікаванай рабочай сілы.

Замежныя крэдыты, што паступаюць у краіну, як правіла, носяць мэтавы характар і накіроўваюцца на структурную перабудову эканомікі, мадэрнізацыю дзеючых прадпрыемстваў, пашырэнне выпуску спажывецкіх тавараў. Найбольш перспектыўнымі галінамі для прытоку замежнага капіталу з’яўляюцца: электроніка, аўтамабілебудаванне, нафтахімія, будаўніцтва, лесаперапрацоўка, вытворчасць тавараў народнага спажывання і прадуктаў харчавання, перапрацоўка другаснай сыравіны, вытворчасць медыцынскага абсталявання і г.д.

У працэсе інвестыцыйнай дзейнасці, у тым ліку пры рэалізацыі інвестыцыйных праектаў, інвестары маюць права атрымаць дзяржаўную падтрымку: гарантыі, ільготы і прэферэнцыі з мэтай стымулявання інвестыцый у эканоміку Рэспублікі Беларусь.

Дзяржаўная падтрымка інвестыцыйных праектаў аказваецца ў выглядзе:

  • ільгот па падатковых і мытных плацяжах;
  • гарантый урада Рэспублікі Беларусь;
  • цэнтралізаваных інвестыцыйных рэсурсаў.

Нацыянальнае агенцтва інвестыцый і прыватызацыі з’яўляецца дзяржаўнай арганізацыяй па прыцягненні прамых замежных інвестыцый у Рэспубліку Беларусь. Работа агенцтва накіравана на павышэнне інвестыцыйнага іміджу краіны за мяжой, садзейнічанне замежнаму бізнесу ў рэалізацыі інвестыцыйных праектаў на яе тэрыторыі.

У задачы агенцтва ўваходзіць выкананне некаторых паўнамоцтваў органаў прыватызацыі па асобных аб’ектах, а менавіта:

  • далучэнне спецыялістаў да выканання работ па прыватызацыі;
  • удзел у падрыхтоўцы праектаў рашэнняў аб прыватызацыі акцый, якія знаходзяцца ва ўласнасці Беларусі;
  • падрыхтоўка прапаноў аб спосабе і ўмовах продажу аб’ектаў прыватызацыі;
  • стварэнне камісіі па правядзенні аўкцыёнаў;
  • падача іскавых заяў па спрэчках, якія ўзнікаюць па дагаворах прыватызацыі.

Пералік аб’ектаў прыватызацыі, адносна якіх агенцтва выконвае паўнамоцтвы па прыватызацыі, зацвярджаецца ўрадам па ўзгадненні з Прэзідэнтам Рэспублікі Беларусь.

Беларускі фонд фінансавай падтрымкі прадпрымальнікаў ажыццяўляе дзейнасць па наступных асноўных кірунках:

  • удзел у распрацоўцы, правядзенні экспертызы і конкурсным адборы, а таксама ў рэалізацыі дзяржаўных, галіновых і рэгіянальных праграм;
  • падтрымка інавацыйнай дзейнасці суб’ектаў малога прадпрымальніцтва, стымуляванне распрацоўкі і стварэння прынцыпова новых відаў прадукцыі, садзейнічанне асваенню новых тэхналогій, выкарыстанню патэнтаў, ліцэнзій, ноу-хау;
  • садзейнічанне прыцягненню нацыянальных і замежных інвестыцый для ажыццяўлення прыярытэтных кірункаў дзейнасці па стварэнні канкурэнтнага асяроддзя і развіцці малога прадпрымальніцтва і інш.

Група кампаній "ІПМ-Кансалт"  – каманда прафесіяналаў, якія больш як 15 год аказваюць шырокі спектр кансалтынгавых паслуг, садзейнічаючы развіццю бізнесу ў Рэспубліцы Беларусь. Асноўныя напрамкі дзейнасці – кансалтынг у сферы карпаратыўных фінансаў; ацэначная дзейнасць; юрыдычнае суправаджэнне бізнесу; упраўленчы і інвестыцыйны кансалтынг.

1-ы інвестыцыйны партал Беларусі  – інфармацыя аб ўсіх значных інвестыцыйных прапановах у сферы бізнес-праектаў, аўкцыёнах па продажы дзяржаўнай уласнасці, буйных аб'ектах камерцыйнай нерухомасці, продажы і прыватызацыі маёмасных комплексаў. Інвестыцыйная кампанія Paternus Terra, стварыўшая агульнарэспубліканскую базу даных, аказвае таксама садзейнічанне замежным інвестарам па пачатку працы ў Рэспубліцы Беларусь.

Пра бізнес – інфармацыйны партал для ўсіх, хто цікавіцца бізнесам у Беларусі. Праект "Вядзенне бізнесу" прапануе разгорнутыя субнацыянальныя даклады, у якіх даецца поўны аналіз рэгулявання прадпрымальніцкай дзейнасці і рэформ у розных гарадах і рэгіёнах канкрэтнай краіны. У рэйтынг праекта ўключаны 189 краін.

Інвестыцыйны атлас горада Мінска  – інфармацыя пра развіццё горада Мінска, яго інвестыцыйны патэнцыял і магчымасці для развіцця бізнесу.