Закрыть
image description
Логистический субпарк в “Великом Камне”. Фото БЕЛТА
Лагістычны субпарк ў “Вялікім Камені”. Фота БЕЛТА
Logistics sub park in the “Great Stone”. BELTA photo
image description
В Национальном аэропорту “Минск”. Фото БЕЛТА
У Нацыянальным аэрапорце "Мінск". Фота БЕЛТА
At the National Airport “Minsk”. BELTA photo
image description
Электропоезд бизнес-класса InterCity. Фото БЕЛТА
Электрацягнік бізнес-класа InterCity. Фота БЕЛТА
InterCity business train. BELTA photo
image description
Логистический центр сети "Евроопт". Барановичи. Фото Н. Абложей. БЕЛТА
Лагістычны цэнтр сеткі "Еўраопт". Баранавічы. Фота Н. Аблажэй. БЕЛТА
Logistic center of the network "Euroopt". Baranovichi. Photo by N. Ablozhey. BELTA
image description
Торгово-логистический центр РУП "Кристалл". Минский район. Фото Г. Жинкова. БЕЛТА
Гандлёва-лагістычны цэнтр РУП "Крышталь". Мінскі раён. Фота Г. Жынкова. БЕЛТА
Trade and Logistics Center RUE "Crystal". Minsk region. Photo by G. Zhinkov. BELTA

Транспартна-лагістычная сістэма

Беларусь з'яўляецца важным транспартным калідорам, які злучае Захад і Усход, рэгіёны Чарнаморскага ўзбярэжжа з краінамі Балтыйскага мора. Штогод праз тэрыторыю краіны перемяшчаецца звыш 100 млн тон еўрапейскіх грузаў, з іх каля 90% – паміж Расійскай Федэрацыяй і Еўрапейскім саюзам. Транспартныя паслугі аказваюцца чыгуначным, аўтамабільным, паветраным, рачным і трубаправодным відамі транспарту.

Беларуская чыгунка забяспечвае рэгіянальныя, міжрэгіянальныя і міжнародныя перавозкі пасажыраў. Яна валодае развітай транспартнай інфраструктурай, сучаснымі транспартнымі сродкамі, выкарыстоўвае прагрэсіўныя інфармацыйныя тэхналогіі пры кіраванні перавозкамі і рабоце з карыстальнікамі транспартных паслуг. Чыгунка ахоплівае больш за 2 100 населеных пунктаў рэспублікі, а таксама звязвае Беларусь з Парыжам, Ніцай, Берлінам, Варшавай, Прагай, Венай, сталіцамі і адміністрацыйнымі цэнтрамі Расіі, Украіны, Літвы, Латвіі, Казахстана. Працягласць чыгуначных магістраляў складае каля 6 тыс. км.

Ключавымі для чыгуначнага комплексу Беларусі з'яўляюцца транзітныя перавозкі грузаў. На яе тэрыторыі паспяхова ажыццяўляюць транспартна-лагістычную дзейнасць прадпрыемствы: "Брэстгрузтранс-лагістык"  , "Баранавіцкі грузавы цэнтр транспартнай лагістыкі", «Bremino-Orsha» і інш. Усяго на пачатак 2020 г. у рэспубліцы функцыянавала 55 лагістычных цэнтраў рознай скіраванасці.

Разгалінаваная сетка аўтамабільных дарог дазваляе забяспечваць круглагадовую сувязь з усімі населенымі пунктамі. Аўтамабільным транспартам перавозіцца каля 60 % ад агульнага аб'ёму перавозак пасажыраў і каля 40% ад агульнага аб'ёму перавозак грузаў. Працягласць беларускіх аўтадарог з павышаным хуткасным рэжымам складае больш за 1,5 тыс. км. На паляпшэнне транспартна-эксплуатацыйнага стану аўтамабільных дарог агульнага карыстання на аснове росту прыцягнення інвестыцый у транспартную інфраструктуру для задавальнення патрэб эканомікі і грамадства ў транспартных сувязях накіравана Дзяржаўная праграма "Дарогі Беларусі" на 2021-2025 гады, якая ўключае дзве падпраграмы: «Рэспубліканскія аўтамабільныя дарогі» і «Мясцовыя аўтамабільныя дарогі».

Важнае значэнне надаецца развіццю паветранага транспарту як найбольш мабільнаму складніку транспартнай інфраструктуры сучаснай дзяржавы. Найбуйнейшым аэрапортам з'яўляецца Нацыянальны аэрапорт «Мінск», які прадастаўляе ўвесь комплекс аэрапортавых паслуг,  у 2015 г. стаў членам Міжнароднай асацыяцыі аэрапортаў. Узлётна-пасадачная паласа (даўжыня 3 641 м, шырыня 60 м) і сігнальнае абсталяванне, якое выпускаецца вядомай кампаніяй “Siemens”, дазваляюць ажыццяўляць пасадку ўсіх тыпаў паветраных судоў. Нацыянальная авіякампанія «Belavia», якая з 1997 г. з'яўляецца членам Міжнароднай асацыяцыі авіяперавозчыкаў (ІATA), інтэгравана ў сучасную структуру еўрапейскіх авіяперавозак. Кампанія «Трансавіяэкспарт» спецыялізуецца на перавозках грузаў у краіны Еўропы, Паўднёвай Амерыкі, Паўднёва-Усходняй Азіі і Бліжняга Усходу. Акрамя таго працуюць аэрапорты «Гомель», «Брэст», «Гродна», «Віцебск», «Магілёў». Існуючая маршрутная сетка забяспечвае перавозкі пасажыраў на міжнародных, міжрэгіянальных і рэгіянальных лініях. У аэрапортавых комплексах працягваецца абнаўленне спецтэхнікі, тэхналагічнага абсталявання і сродкаў механізацыі, тэхнічнае перааснашчэнне службаў авіяцыйнай бяспекі сучасным абсталяваннем для дагляду.

Па тэрыторыі Беларусі праходзяць магістральныя нафта- і газаправоды, якія ўяўляюць сабой магутныя высокапрадукцыйныя сістэмы, што ўдзельнічаюць у транспартнай дзейнасці. Гэта стратэгічны від транспарту, які выконвае функцыі транзітнага. Працягласць магістральных газаправодаў складае 7,9 тыс. км.

У краіне функцыянуе таксама сістэма воднага транспарту, у якую ўваходзяць 10 рачных партоў рознага ўзроўню, а таксама транспартна-экспедыцыйныя кампаніі. Арганізацыі гэтай сферы ажыццяўляюць перавозку грузаў па рэках Рэспублікі Беларусь і па міжнародных лініях па Дняпры ў чарнаморскія парты, а таксама займаюцца праектаваннем, будаўніцтвам і рамонтам судоў. Надаецца ўвага перавозкам удзельнікаў розных экскурсій. У правядзенні актыўнага воднага адпачынку задзейнічаны Аўгустоўскі канал.  На канале і яго прытоках распрацавана больш за 10 водных маршрутаў. Далейшае развіццё транспартна-лагістычнай сістэмы мае надзвычай важнае значэнне. У 2021 г. прынята новая Дзяржаўная праграма «Транспартны комплекс» на 2021–2025 гады, мэтай якой з'яўляецца забеспячэнне ўстойлівай мабільнасці і задавальненне патрэбы эканомікі ў канкурэнтаздольных і эфектыўных транспартных паслугах, павышэнне транзітнай прывабнасці дзяржавы, павелічэнне даходнасці ад экспарту лагістычных паслуг. На выкананне гэтай мэты накіраваны мерапрыемствы падпраграм: "Чыгуначны транспарт", "Аўтамабільны, гарадскі электрычны транспарт і метрапалітэн», «Унутраны водны і марскі транспарт», «Грамадзянская авіяцыя».

Транспартная дзейнасць ажыццяўляецца ў рэспубліцы ў рамках разгалінаванага прававога поля. Дзеючае профільнае заканадаўства вызначае прававыя, эканамічныя і арганізацыйныя асновы рэгулявання адносін, звязаных з карыстаннем аўтамабільнымі дарогамі, паветранай прасторай, чыгуначным і аўтамабільным транспартам і інш. Як комплексная галіна транспартная дзейнасць кіруецца не толькі сістэмай спецыяльных нарматыўных прававых актаў, але і актамі іншых галін заканадаўства або асобнымі іх часткамі (мытнае заканадаўства, заканадаўства аб фінансах і крэдыце і інш.), рэалізуючы задачы далейшага развіцця лагістыкі, удасканалення сістэмы перавозкі пасажыраў і грузаў.

Спасылкі на інтэрнэт-рэсурсы

Міністэрства транспарту і камунікацый Рэспублікі Беларусь

Мытныя органы Рэспублікі Беларусь

Асацыяцыя міжнародных аўтамабільных перавозчыкаў (БАМАП)

Асацыяцыя міжнародных экспедытараў і лагістыкі «БАМЭ»

Аб асновах транспартнай дзейнасці. Закон Рэспублікі Беларусь

Аб аўтамабільным транспарце і аўтамабільных перавозках. Закон Рэспублікі Беларусь

Беларускі партал грузаперавозак

Белаўтадар

Белдарцэнтр

Белінтэртранс

Белмагістральаўтатранс

Белрусінвест

Брэстзнештранс СООО

Дзяржаўная праграма "Дарогі Беларусі" на 2021-2025

Дзяржаўная праграма развіцця транспартнага комплексу Рэспублікі Беларусь на 2016 – 2020 гады 

Дзяржаўная праграма «Транспартны комплекс» на 2021–2025 гады

Лагістычная інфраструктура Рэспублікі Беларусь

Паветраны кодэкс Рэспублікі Беларусь 

Рэсурскантроль

Трансавіяэкспарт

Транстэхніка 

Цэнтр павышэння кваліфікацыі «БАМЭ-Экспедытар»

BelToll

Logists