Закрыть
image description
ООО "Алютех Воротные Системы". СЭЗ "Минск". Фото О. Манчук. БЕЛТА
ТАА "Алютэх Варотныя Сістэмы". СЭЗ "Мінск". Фота А. Манчук. БЕЛТА
LLC "Alutech Gate Systems". FEZ "Minsk". Photo by O. Manchuk. BELTA
image description
Научно-производственное частное унитарное предприятие "Адани". СЭЗ "Минск". Фото О. Манчук. БЕЛТА
Навукова-вытворчае прыватнае ўнітарнае прадпрыемства "Адані. СЭЗ "Мінск". Фота А. Манчук. БЕЛТА
Scientific and Production Private Unitary Enterprise "Adani". FEZ "Minsk". Photo by O. Manchuk. BELTA
image description
Продукция ООО "БелЭмса". Могилёв. Фото О. Фойницкого. БЕЛТА
Прадукцыя ООО "БелЭмса". Магілёў. Фота А. Файніцкага. БЕЛТА
Products of Ltd. "BelEmsa". Mogilyov. Photo by O. Foinitsky. BELTA
image description
Белорусско-китайское региональное сотрудничество. Фото А. Дидевича. БЕЛТА
Беларуска-кітайскае рэгіянальнае супрацоўніцтва. Фота А. Дзідзевіча. БЕЛТА
Belarusian-Chinese regional cooperation. Photo by A. Didevich. BELTA
image description
Конгресс СЭЗ Северной и Восточной Европы. Гомель. Фото С. Холодилина. БЕЛТА
Кангрэс СЭЗ Паўночнай і Усходняй Еўропы. Гомель. Фота С. Халадзіліна. БЕЛТА
Congress of FEZ of Northern and Eastern Europe. Gomel. Photo by S. Kholodilin. BELTA
image description
Открытие нового предприятия в СЭЗ "Могилев". Фото О. Фойницкого. БЕЛТА
Адкрыццё новага прадпрыемства ў СЭЗ "Магілёў". Фота А. Файніцкага. БЕЛТА
Opening of a new enterprise in the Mogilev FEZ. Photo by O. Foinitsky. BELTA

Свабодная эканамічная зона

Свабодная эканамічная зона (СЭЗ) у Беларусі разглядаецца як частка тэрыторыі краіны з дакладна вызначанымі межамі і спецыяльным прававым рэжымам, які ўстанаўлівае спецыяльны парадак і ўмовы падаткаабкладання, валютнага, мытнага і іншага рэгулявання.

Развіццё СЭЗ накіравана на рэалізацыю такіх задач, як:

  • павелічэнне прытоку замежных інвестыцый, паляпшэнне інвестыцыйнага клімату і прыцягненне стратэгічных інвестараў;
  • забеспячэнне спрыяльных умоў для прыцягнення новых і высокіх тэхналогій і перадавога замежнага вопыту;
  • стымуляванне экспарту і развіццё імпартазамяшчальных вытворчасцей;
  • стварэнне новых рабочых месцаў.

Як і ва ўсім свеце, рэжым СЭЗ прадастаўляе прадпрыемствам магчымасць працаваць у спецыяльных ільготных умовах.

Тэрыторыя СЭЗ з’яўляецца часткай мытнай тэрыторыі Рэспублікі Беларусь.

У сучасны момант у Беларусі створаны і працуюць шэсць свабодных эканамічных зон:

СЭЗ "Брэст" (1996). У СЭЗ выпускаецца больш за тысячу назваў прамысловай прадукцыі і тавараў, у тым ліку электратэхнічныя вырабы, машыны і абсталяванне дарожнай разметкі, фарбы і эмалі, газавыя і электрапліты, мэбля, морапрадукты, мясныя і кандытарскія вырабы. У сучасны момант СЭЗ прымае інвестыцыі на стварэнне прадпрыемстваў з выкарыстаннем высокіх тэхналогій у фармацэўтычнай, аўтамабільнай, электроннай, машынабудаўнічай і іншых галінах прамысловасці.

СЭЗ "Віцебск" (1999). Вынікам дынамічнага развіцця СЭЗ з'яўляецца рэалізацыя 53 інвестыцыйных праектаў з удзелам капіталу з 14 краін свету. Асноўныя галіны прамысловага комплексу СЭЗ – лёгкая і дрэваапрацоўчая прамысловасць, машына- і станкабудаванне, электроніка, вытворчасць мэблі і прадуктаў харчавання. У сілу свайго геаэканамічнага становішча СЭЗ з'яўляецца своеасаблівым плацдармам у засваенні перспектыўных рынкаў тавараў і паслуг Расіі, краін Балтыі, Скандынавіі. На сённяшні дзень тэрыторыя СЭЗ "Віцебск" складае 2,764 тыс. га.

СЭЗ "Гомель-Ратон" (1998) налічвае 69 рэзідэнтаў з 17 краін з ўнутранымі і замежнымі інвестыцыямі (па стане на сакавік 2020 г.). У СЭЗ размешчаны высокатэхналагічныя прадпрыемствы радыёэлектронікі, прыборабудавання, машынабудаўнічай, электратэхнічнай і кабельнай прамысловасці. Усе прадпрыемствы валодаюць свабоднымі вытворчымі плошчамі, складскімі памяшканнямі, развітой інфраструктурай, поўным комплексам інжынерных камунікацый. Экспарт прадукцыі дзеючых удзельнікаў СЭЗ «Гомель-Ратон» ажыццяўляецца ў больш чым 60 краін.

СЭЗ "Гроднаінвест"  (2002). За больш чым 15 гадоў дзейнасці СЭЗ стала ключавой пляцоўкай для развіцця бізнесу ў Гродзенскай вобласці. Сёння рэзідэнтамі СЭЗ з'яўляюцца 76 прадпрыемстваў у сферы дрэваапрацоўкі і мэблевай вытворчасці, машынабудавання і металаапрацоўкі, харчовай і лёгкай прамысловасці, сельскай гаспадаркі з аб'ёмам вытворчасці больш як $ 1,6 млрд. Яны фармуюць чвэрць усяго вытворчасці рэгіёну, трэцюю частку экспарту. Свае сродкі ў рэалізацыю праектаў ўклалі інвестары з 41 краіны свету.

СЭЗ "Мінск" (1998). Стварэнне СЭЗ з’явілася эфектыўным інструментам эканамічнай палітыкі дзяржавы па фарміраванні спрыяльнага інвестыцыйнага і прадпрымальніцкага клімату ў рэгіёне. За час сваёй дзейнасці СЭЗ «Мінск» стала галоўным прамысловым цэнтрам і прыцягнула інвестыцый на суму больш за 2 млрд. долараў ЗША. Кампаніі з 20 краін свету ўклалі капітал у бізнес на тэрыторыі СЭЗ: асноўныя краіны-інвестары – Расія, Кіпр, Вялікабрытанія, Германія, Эстонія, Латвія, ЗША. На дадзены момант у СЭЗ зарэгістравана 120 прадпрыемстваў-рэзідэнтаў. 80 краін свету імпартуюць прадукцыю, выпускаемую гэтымі прадпрыемствамі, на суму больш за 11 млрд. долараў.

СЭЗ "Магілёў" (2002) складаецца з 18 участкаў агульнай плошчай 3339,4 га. Плошчу свабодных зямельных участкаў для новага будаўніцтва складае больш за 420 га. На тэрыторыі СЭЗ ёсць больш за 120 тыс. кв. м невыкарыстоўваемых вытворчых плошчаў, прыдатных для размяшчэння вытворчасцей. Усе ўчасткі СЭЗ адрозніваюцца развітой інжынерна-транспартнай інфраструктурай. Па стане на пачатак 2020 г. СЭЗ «Магілёў» налічвае звыш 40 прадпрыемстваў-рэзідэнтаў.