Даты беларускага календара 2022

У 2022 годзе спаўняецца:

Полацк (пад 862, Віцебская вобласць), горад, цэнтр раёна – 1160 гадоў з часу першага ўпамінання ў «Аповесці мінулых гадоў»

Полацкае княства (862–1504), адно з самых старажытных дзяржаўных утварэнняў усходніх славян з цэнтрам у Полацку – 1160 гадоў з часу першага ўпамінання

Беларуская Праваслаўная Царква (992), кананічнае царкоўна-адміністрацыйнае аб’яднанне праваслаўных епархій у межах Беларусі – 1030 гадоў з часу заснавання

Пінск (пад 1097, Брэсцкая вобласць), горад, цэнтр раёна – 925 гадоў з часу першага ўпамінання ў «Аповесці мінулых гадоў»

Барысаў (1102, Мінская вобласць), горад, цэнтр раёна – 920 гадоў з часу заснаван­ня полацкім князем Барысам Усяславічам

Гомель (1142, Гомельская вобласць), горад, цэнтр раёна і вобласці – 880 гадоў з часу першага ўпамінання ў Іпацьеўскім летапісе

Рагачоў (1142, Гомельская вобласць), горад, цэнтр раёна – 880 гадоў з часу першага ўпамінання ў Іпацьеўскім летапісе

Слонім (пад 1252, Гродзенская вобласць), горад, цэнтр раёна – 770 гадоў з часу першага ўпамінання ў Іпацьеўскім летапісе

Ягайла (у праваслаўі Якаў, у каталіцтве Уладзіслаў) (1352 (?) – 1434), вялікі князь ВКЛ, кароль Польшчы, заснавальнік дынастыі Ягелонаў – 670 гадоў з дня нара­джэння

Сянно (1442, Віцебская вобласць), горад, цэнтр раёна – 580 гадоў з часу першага ўпамінання ў пісьмовых крыніцах

Драгічын (1452, Брэсцкая вобласць), горад, цэнтр раёна – 570 гадоў з часу першага ўпамінання ў пісьмовых крыніцах

Жлобін (1492, Гомельская вобласць), горад, цэнтр раёна – 530 гадоў з часу першага ўпамінання ў пісьмовых крыніцах

Радзівіл Мікалай (мянушка Руды) (1512–1584), дзяржаўны і ваенны дзеяч ВКЛ – 510 гадоў з дня нараджэння

Хойнікі (1512, Гомельская вобласць), горад, цэнтр раёна – 510 гадоў з часу першых звестак

Макоўскі Тамаш (1562 ці 1575 – каля 1630), гравёр, картограф, друкар, мастак, творчасць якога звязана з мастацкім жыццём Беларусі, Літвы і Польшчы – 460 гадоў з дня нараджэння

Клічаў (1592, Магілёўская вобласць), горад, цэнтр раёна – 430 гадоў з часу першага ўпамінання ў гістарычных крыніцах

Рустэм Ян (1762–1835), жывапісец, рысавальшчык, педагог, творчасць якога звязана з мастацкім жыццём Беларусі і Літвы – 260 гадоў з дня нараджэння

«Энеіда навыварат» (пасля 1812 г. і не пазней пачатку 1830-х гг.), ананімная парадыйна-сатырычная паэма, адзін з першых буйных твораў беларускай літаратуры новага часу – 210 гадоў з часу напісання

«Мужыцкая праўда» (1862, Гродзеншчына – 1863), першая беларуска­моўная нелегальная рэвалюцыйна-дэмакратычная газета – 160 гадоў з пачатку выдання

Беларуская дзяржаўная акадэмія музыкі (1932, г. Мінск), вядучая вышэйшая навучальная ўстанова нацыянальнай сістэмы адукацыі ў галіне музычнага мастацтва – 90 гадоў з часу стварэння (адкрыта 15.11.1932)

Цэнтральны батанічны сад НАН Беларусі (1932, г. Мінск), адзін з буйнейшых батанічных садоў Еўропы, дзяржаўная навуковая ўстанова – 90 гадоў з часу стварэння

Гродзенскі абласны драматычны тэатр(1947, г. Гродна), установа культуры, заслужаны калектыў Рэспублікі Беларусь, лаўрэат Прэміі імя народнага артыста СССР Кірыла Лаўрова (Расія, 2012) – 75 гадоў з часу стварэння

«Мастацкая літаратура» (1972, г. Мінск), выдавецкае рэспубліканскае ўнітарнае прадпрыемства – 50 гадоў з часу падпісання загада аб стварэнні