Актыўны турызм
Актыўны турызм – форма турызму, якая звязана з адпачынкам на прыродзе і прадугледжвае эмацыйную рэлаксацыю праз фізічную актыўнасць.
Падыходзіць Беларусь для пешага і веласіпеднага турызму. Падчас паходаў іх удзельнікі могуць убачыць і каларытныя вёскі са старадаўнімі будынкамі, і ўнікальныя гістарычныя месцы, і найпрыгажэйшыя куткі прыроды, атрымаць доўгатэрміновы зарад бадзёрасці.
У Беларусі заўсёды рады прыняць аматараў водных вандровак. Гэта яшчэ адзін з цікавых спосабаў знаёмства з беларускай прыродай. Конны турызм лічыцца летнім відам актыўнага адпачынку. Для аматараў палявання і рыбалкі ў Беларусі – багатыя лясныя і водныя рэсурсы.
Развіццём спартыўнага турызму ў краіне займаецца Рэспубліканскі турысцка-спартыўны саюз, які запрашае ў свае шэрагі аматараў пад’ёмаў на горныя вяршыні, сплаваў па бурных рэках, спускаў у пячоры і іншых відаў турызму, якія патрабуюць спецыяльнай падрыхтоўкі і амуніцыі.
У апошнія гады ў рэспубліцы актыўна развіваецца гарналыжны турызм .
Спасылкі на інтэрнэт-рэсурсы
Міністэрства спорту і турызму Рэспублікі Беларусь
Падарожжы па Беларусі і ваколіцах. Пешыя маршруты