Снежань

1 – Арлоў Мікалай Іванавіч (1895, Клімавіцкі р-н – 1965), ваенны дзеяч, генерал-маёр, удзельнік Першай сусветнай, грамадзянскай і Вялікай Айчыннай войнаў, кавалер ордэна Леніна – 125 гадоў з дня нараджэння.

1 – Жакаў Ігар Рыгоравіч (1930), вучоны ў галіне анкалогіі і прамянёвай тэрапіі, лаўрэат Дзяржаўнай прэміі Беларусі (1988) – 90 гадоў з дня нараджэння.

2 – Чайка Валерый Паўлавіч (1950), мастак дэкаратыўна-прыкладнога і афармлен­чага мастацтва, лаўрэат Дзяржаўнай прэміі Беларусі (2004), прэміі Прэзідэнта Рэспублікі Беларусь «За духоўнае адраджэнне» (2011), педагог – 70 гадоў з дня нараджэння.

2 – Дадышкіліяні Натэла Атараўна (1960), артыстка балета, заслужаная артыстка Беларусі, педагог – 60 гадоў з дня нараджэння.

4 – Кудзеля Леанід Лаўрэнцьевіч (1940), спявак (лірычны тэнар), педагог, заслужа­ны артыст Беларусі – 80 гадоў з дня нараджэння.

5 – Ракоўскі Уладзімір Яўгенавіч (1900–1987), расійскі і беларускі вучоны ў галіне хіміі цвёрдага паліва, член-карэспандэнт НАН Беларусі – 120 гадоў з дня нараджэння.

6 – Барбара Радзівіл (1520–1551), каралева Польшчы і вялікая княгіня ВКЛ – 500 гадоў з дня нараджэння.

6 – Завод «Легмаш», прадпрыемства ў складзе холдынга «Беларуская металургічная кампанія» (г. Орша; 1945) – 75 гадоў з часу стварэння.

7 – Ялхоў Юрый Аляксандравіч (1940), рэжысёр, кінааператар, сцэнарыст, сярод работ якога брэнды айчыннай кінематаграфіі – тэлевізійныя, дакументальныя і мастацкія фільмы «Прыгоды Бураціна», «Пра Чырвоную Шапачку», «Сын за бацьку», «Анастасія Слуцкая» і інш., фотамастак, празаік, заслужаны дзеяч мастацтваў Беларусі, лаўрэат Дзяр­жаўнай прэміі Беларусі, лаўрэат прэміі Фэдэрацыі прафсаюзаў Беларусі (2005) – 80 гадоў з дня нараджэння.

7 – Траццяк Станіслаў Іванавіч (1950), вучоны ў галіне агульнай хірургіі, транс­планталогіі, член-карэспандэнт НАН Беларусі, заслужаны дзеяч навукі Беларусі, выдатнік аховы здароўя, лаўрэат Дзяржаўнай прэміі Беларусі (2004) – 70 гадоў з дня нараджэння.

7 – Цішчанка Яўген Міхайлавіч (1960, г. Гродна – 2016), вучоны ў галіне медыцы­ны, аўтар прац па гісторыі медыцыны і аховы здароўя Беларусі ў ХІХ–ХХ стст. – 60 гадоў з дня нараджэння.

8 – Аршанскі льнокамбінат, РУВГП у складзе канцэрна «Беллегпрам», лідар лёгкай і тэкстыльнай прамысловасці Беларусі і краін СНД, буйнейшы ў Еўропе вытворца льняных тканін, лаўрэат Прэміі Урада Рэспублікі Беларусь за дасягненні ў галіне якасці (2012) (1930) – 90 гадоў з пачатку дзейнасці.

8 – Самсонаў Уладзімір Аляксеевіч (1945, г. Мінск), мастак у галіне манументаль­на-дэкаратыўнага мастацтва, жывапісец – 75 гадоў з дня нараджэння.

9 – Таруцін Ігар Германавіч (1940, г. Стоўбцы), вучоны ў галіне фізікі, лаўрэат Дзяржаўнай прэміі Беларусі (1998) – 80 гадоў з дня нараджэння.

9 – Пракаповіч Ігар Міхайлавіч (1960, г. Паставы), пісьменнік, краязнавец, педагог, аўтар шэрага вучэбных праграм, краязнаўчых і мастацкіх твораў, лаўрэат прэміі часопіса «Маладосць» (1993) – 60 гадоў з дня нараджэння.

10 – Рушчыц Фердынанд (1870, Валожынскі р-н – 1936), жывапісец, графік, тэатральны дэкаратар і педагог, творчасць якога звязана з мастацкім жыццём Беларусі, Польшчы і Літвы – 150 гадоў з дня нараджэння.

10 – Беларускі нацыянальны тэхнічны ўніверсітэт, вядучая інжынерна-тэхнічная навучальная ўстанова ў нацыянальнай сістэме адукацыі Рэспублікі Беларусь (г. Мінск; 1920) – 100 гадоў з часу заснавання.

10 – Арочка Мікола (Мікалай Мікалаевіч; 1930, Слонімскі р-н – 2013), пісьменнік, літаратуразнавец, крытык, перакладчык – 90 гадоў з дня нараджэння.

12 – Папавіцкі Георгій Канстанцінавіч (1890–1948), расійскі і беларускі габаіст, педагог, дзейнасць якога мела вялікае значэнне для развіцця выканальніцтва на духавых інструментах у Беларусі, заслужаны дзеяч мастацтваў Беларусі, кавалер ордэна «Знак Пашаны» – 130 гадоў з дня нараджэння.

12 – Акулаў Мікалай Сяргеевіч (1900–1976), вучоны ў галіне фізікі, акадэмік НАН Беларусі, лаўрэат Дзяржаўнай прэміі СССР (1941), Дзяржаўнай прэміі Беларусі (1976), прэміі Берлінскай АН (1930), прэміі АН СССР імя М.В. Ламаносава (1953) – 120 гадоў з дня нараджэння.

12 – Храмушын Генадзь Леанідавіч (1920–2002), скрыпач, заслужаны артыст Бела­русі – 100 гадоў з дня нараджэння.

13 – Лызікаў Мікалай Фядосавіч (1920, Клімав. р-н – 1999), вучоны ў галіне аку­шэрства і гінекалогіі, заслужаны работнік вышэйшай школы Беларусі – 100 гадоў з дня нараджэння.

13 – Налівайка Людміла Дзмітрыеўна (1940, г. Гродна), мастак, мастацтвазнавец, празаік, драматург – 80 гадоў з дня нараджэння.

14 – Юркевіч Сяргей Пятровіч (1910–1985), расійскі і беларускі акцёр, заслужаны артыст Беларусі – 110 гадоў з дня нараджэння.

14 – Эфендыеў Тэрлан Шаід аглы (1940), вучоны-фізік, лаўрэат Дзяржаўнай прэміі Беларусі (2000) – 80 гадоў з дня нараджэння.

15 – Судзілоўскі (псеўд. Русель) Мікалай Канстанцінавіч (1850, г. Магілёў – 1930), дзеяч міжнароднага рэвалюцыйнага руху, вучоны-філосаф і прыродазнавец – 170 гадоў з дня нараджэння.

15 – Яршоў Аляксандр Іванавіч (1930), вучоны ў галіне хімічнай тэхналогіі і тэх­нікі, заслужаны дзеяч навукі Рэспублікі Беларусь, лаўрэат Дзяржаўнай прэміі Беларусі (1976) – 90 га­доў з дня нараджэння.

15 – Плотнікаў Браніслаў Аляксандравіч (1940, г. Быхаў – 2005), мовазнавец, да­следчык агульнага, славянскага і беларускага мовазнаўства, лаўрэат Дзяржаўнай прэміі Беларусі (1998) – 80 гадоў з дня нараджэння.

16 – Чурыла Уладзімір Усеваладавіч (1950), мастак, аўтар прац у манументальна-дэкаратыўным мастацтве, мастацкім праектаванні, станковым жывапісе – 70 гадоў з дня нараджэння.

18 – Ходзька Іосіф Іванавіч (1800, г. п. Крывічы – 1881), географ, геадэзіст, тапо­граф, ганаровы член Рускага геаграфічнага таварыства – 220 гадоў з дня нараджэння.

18 – Рэспубліканскі тэатр беларускай драматургіі, заслужаны калектыў Рэспублікі Беларусь, лаўрэат спецыяльнай прэміі Прэзідэнта Рэспублікі Беларусь (2017) (г. Мінск; 1990) – 30 гадоў з часу стварэння.

19 – Лашчанка Пётр Мікалаевіч (1910–1992), ваенны дзеяч, генерал арміі, удзель­нік вызвалення Брагінскага раёна ў Вялікую Айчынную вайну, Герой Савецкага Саюза (1943), узнагароджаны чатырма ордэнамі Леніна – 110 гадоў з дня нараджэння.

19 – Шырокаў Мікалай Артамонавіч (1920, г. Гомель – 1996), графік, заслужаны работнік культуры Рэспублікі Беларусь – 100 гадоў з дня нараджэння.

19 – Казоўскі Рыгор Абрамавіч (1940, г. Гомель), спартсмен і трэнер (барацьба грэка-рымская), майстар спорту СССР, заслужаны трэнер Беларусі і СССР, сярод выха­ванцаў якога чэмпіёны свету, прызёры чэмпіянатаў Еўропы Л. Ліберман, У. Капытоў, В. Макаранка і іншыя – 80 гадоў з дня нараджэння.

20 – Альхімовіч Казімір Дамінікавіч (1840, Шчучынскі р-н – 1916), жывапісец, графік, творчаць якога звязана з мастацкім жыццём Польшчы, Беларусі і Літвы, аўтар гістарычных палотнаў і серыі карцін па матывах творчасці А. Міцкевіча, удзельнік паўстання 1863–1864 гг. – 180 гадоў з дня нараджэння.

20 – Марыкс Аскар Пятровіч (1890–1976), мастак тэатра, графік, педагог, адзін з заснавальнікаў дэкарацыйнага мастацтва ў беларускім савецкім тэатры, народны мастак Беларусі – 130 гадоў з дня нараджэння.

20 – Ядкоўскі Юзаф (1890, г. Гродна – 1950), беларускі і польскі археолаг, нумізмат, гісторык мастацтва, вядомы гродзенскі краязнавец і заснавальнік Гродзенскага дзяржаўнага гісторыка-археалагічнага музея – 130 гадоў з дня нараджэння.

20 – Гутковіч Аляксандр Залманавіч (1920, Бешанковіцкі р-н – 1989), акцёр, рэжысёр тэлебачання, драматург, заслужаны дзеяч мастацтваў Беларусі, лаўрэат Дзяржаўнай прэміі Беларусі (1966) – 100 гадоў з дня нараджэння.

20 – «Настаўніцкая газета», выданне асветнікаў Рэспублікі Беларусь (г. Мінск; 1945) – 75 гадоў з пачатку выдання.

21 – Аладаў Мікалай Ільіч (1890–1972), кампазітар, педагог, адзін з арганізатараў Беларускага музычнага тэхнікума і кансерваторыі (цяпер Беларуская дзяржаўная акадэмія музыкі), народны артыст Беларусі, кавалер ордэна «Знак Пашаны» – 130 гадоў з дня нараджэння.

22 – Пагуляеў Даніла Іванавіч (1895, Горацкі р-н – 1974), расійскі вучоны-геолаг, заслужаны дзеяч навукі Расіі, удзельнік Першай сусветнай, грамадзянскай і Вялікай Айчыннай войнаў, кавалер ордэна Леніна – 125 гадоў з дня нараджэння.

22 – Байрачны Мікалай Іванавіч (1950), мастак дэкаратыўна-прыкладнога мастацт­ва, аўтар твораў у станковай скульптуры, медальерным мастацтве, графіцы, мультыпліка­цыі – 70 гадоў з дня нараджэння.

23 – Чурыкаў Мікалай Сцяпанавіч (1910–1997), удзельнік вызвалення Магілёўска­га раёна ў Вялікую Айчынную вайну, Герой Савецкага Саюза (1944), кавалер ордэна Леніна – 110 гадоў з дня нараджэння.

23 – Блешчык Мікалай Паўлавіч (1930, г. п. Чырвоны Сцяг – 2017), вучоны ў галіне тэхналогіі будаўніцтва, заслужаны дзеяч навукі Беларусі, лаўрэат Дзяржаўнай прэміі Беларусі (2000) – 90 гадоў з дня нараджэння.

23 – Абалян Іскуі Мірыкаўна (1970), эстрадная спявачка, заслужаная артыстка Беларусі – 50 гадоў з дня нараджэння.

24 – Савіцкі Яўген Якаўлевіч (1910–1990), ваенны дзеяч, маршал авіяцыі, удзельнік вызвалення Беларусі ў Вялікую Айчынную вайну, двойчы Герой Савецкага Саюза (1944, 1945), заслужаны ваенны лётчык СССР, узнагароджаны трыма ордэнамі Леніна – 110 гадоў з дня нараджэння.

24 – Ізюмаў Мікалай Андрэевіч (1920–1944), удзельнік вызвалення Беларусі ў Вялі­кую Айчынную вайну, Герой Савецкага Саюза (1945) – 100 гадоў з дня нараджэння.

24 – Ляшчынскі Адам Браніслававіч (1920, Капыл. р-н – 2006), удзельнік абароны Беларусі ў Вялікую Айчынную вайну, Герой Савецкага Саюза (1944), кавалер ордэна Леніна – 100 гадоў з дня нараджэння.

25 – Пастарнацкі Фёдар Ігнатавіч (1845, Пухавіцкі р-н – 1902), расійскі вучоны ў галіне ўнутранай медыцыны, выдатны прадстаўнік айчыннай тэрапеўтычнай школы другой паловы ХІХ ст., адзін з заснавальнікаў бальнеалогіі і курарталогіі, грамадскі дзеяч –
175 гадоў з дня нараджэння.

25 – Эльберт Барыс Якаўлевіч (Бер Янкель; 1890–1963), вучоны ў галіне мікрабія­логіі, заснавальнік беларускай школы мікрабіёлагаў, першы дырэктар РНПЦ эпідэміялогіі і мікрабіялогіі, заслужаны дзеяч навукі Кіргізіі, лаўрэат Дзяржаўнай прэміі СССР (1946) – 130 гадоў з дня нараджэння.

25 – Саковіч Антон Навумавіч (1895, Лагойскі р-н – 1982), ваенны дзеяч, генерал-лейтэнант інтэнданцкай службы, удзельнік Першай сусветнай і грамадзянскай войнаў, вызвалення Беларусі ў гады Вялікай Айчыннай вайны, кавалер ордэна Леніна – 125 гадоў з дня нараджэння.

25 – Вішнеўская Кацярына Яфімаўна (1930, Гомельскі р-н – 2013), вучоны ў галіне онкагінекалогіі, заснавальніца школы беларускіх онкагінеколагаў, выдатнік аховы здароўя СССР, выдатнік санітарнай службы СССР, лаўрэат прэміі Савета Міністраў СССР (1980), Дзяржаўнай прэміі Беларусі (1998) – 90 гадоў з дня нараджэння.

25 – Цюрын Іван Аляксеевіч (1930), балетмайстар, заслужаны артыст Беларусі – 90 гадоў з дня нараджэння.

25 – Будзевіч Іван Іванавіч (1940, г. Ліда – 2014), вучоны ў галіне біятэхналогіі сельскагаспадарчых жывёл, член-карэспандэнт НАН Беларусі – 80 гадоў з дня нараджэння.

26 – Шнеерсон Леў Міхайлавіч (1910–1999), вучоны-гісторык, заслужаны дзеяч навукі Беларусі – 110 гадоў з дня нараджэння.

26 – Арсеньеў Віктар Васільевіч (1950, г. Брэст), архітэктар, лаўрэат Дзяржаўнай прэміі Беларусі (1988) – 70 гадоў з дня нараджэння.

28 – Мядзведзева Глафіра Антонаўна (Чэрыкаўскі р-н; 1910–2011), вучоны-патафізіё­лаг, заслужаны дзеяч навукі Беларусі – 110 гадоў з дня нараджэння.

28 – Шаціла Іван Браніслававіч (1910, Пухавіцкі р-н – 1977), акцёр, народны артыст Беларусі – 110 гадоў з дня нараджэння.

28 – Магілёўскі завод «Электрарухавік», філіял ААТ «Магілёўліфтмаш» (г. Магі­лёў; 1945) – 75 гадоў з часу стварэння.

29 – Домбаль Тамаш Францавіч (1890–1938), вучоны-эканаміст, акадэмік НАН Беларусі, дзеяч міжнароднага сялянскага руху – 130 гадоў з дня нараджэння.

30 – Нацыянальны акадэмічны народны аркестр Рэспублікі Беларусь імя І.І. Жыновіча, лаўрэат прэміі Федэрацыі прафсаюзаў Беларусі (2015) (г. Мінск; 1930) – 90 гадоў з пачатку дзейнасці.