Экатурызм
Экалагічны турызм – гэта падарожжы ў мясціны з адносна некранутай прыродай, з мэтай атрымаць уяўленне пра прыродныя і культурна-этнаграфічныя асаблівасці мясцовасці, не парушаючы пры гэтым цэласнасці экасістэм.
Унікальнасць беларускай прыроды дазваляе развіваць такія напрамкі экатурызму, як падарожжы ў прыродныя запаведнікі, навуковы турызм, туры гісторыі прыроды.
Базай для развіцця экалагічнага турызму выступае сетка прыродных тэрыторый і нацыянальных паркаў, якія знаходзяцца пад узмоцненай аховай і на тэрыторыі якіх ёсць унікальныя ландшафты і існуюць абсалютныя рэзерваты дзікай прыроды. Асаблівае месца сярод іх належыць Нацыянальнаму парку «Белавежская пушча» – самаму старажытнаму з лясоў Еўропы, уключанаму ў Спіс сусветнай культурнай і прыроднай спадчыны ЮНЕСКА.
Унікальныя і іншыя нацыянальныя паркі – “Браслаўскія азёры", “Прыпяцкі”, “Нарачанскі”, а таксама Бярэзінскі біясферны запаведнік.
Для аматараў гісторыі прыроды Беларусь можа прапанаваць турыстычныя экскурсіі, якія праходзяць па спецыяльна створаных экалагічных маршрутах. Экалагічныя сцежкі і маршруты дазваляюць ацаніць непаўторную прыгажосць краіны, пазнаёміцца з яе багатым прыродным патэнцыялам, маляўнічымі ландшафтамі, багаццем расліннага і жывёльнага свету, помнікамі прыроды і ўнікальнымі відамі флоры і фаўны.
Ландшафты старадаўніх сядзіб і манастыроў таксама выступаюць аб′ектамі экалагічнага турызму.
Акрамя таго, у Беларусі ёсць яшчэ больш за тысячу прыродных тэрыторый, уключаючы месцы з унікальнымі, эталоннымі або іншымі каштоўнасцямі, прыроднымі комплексамі і аб′ектамі, якія знаходзяцца пад узмоцненай аховай і маюць экалагічнае, навуковае, гісторыка-культурнае, эстэтычнае значэнне.
Спасылкі на інтэрнэт-рэсурсы
Міністэрства спорту і турызму Рэспублікі Беларусь
Міністэрства прыродных рэсурсаў і аховы навакольнага асяроддзя Рэспублікі Беларусь
Нацыянальнае агенцтва па турызме. Афіцыйны партал
Нацыянальны парк "Нарачанскі"
Экалагічная сцежка "Блакітныя азёры"
Belarus.by. Афіцыйны сайт Рэспублікі Беларусь
Belarus.Travel. Афіцыйны турыстычны партал Беларусі