Рэсурсы бібліятэк

У Беларусі сфарміравалася бібліятэчная сістэма, якая ўключае звыш 7 тыс. публічных і спецыяльных бібліятэк з сукупным аб’ёмам фонду каля 180 млн экзэмпляраў. Найбольш магутны інфармацыйны патэнцыял маюць вядучыя бібліятэкі рэспублікі, у лік якіх уваходзіць Нацыянальная бібліятэка Беларусі, абласныя бібліятэкі, рэспубліканскія галіновыя бібліятэкі. Іх інфармацыйныя рэсурсы сёння змяшчаюць не толькі дакументальныя фонды, аб’ём якіх у сукупнасці перавышае 82 млн экзэмпляраў, але і электронныя інфармацыйныя рэсурсы.

Па стане на пачатак 2023 г. у ведамстве Міністэрства культуры Рэспублікі Беларусь знаходзіцца больш за 2,2 тыс. бібліятэкi: Нацыянальная бібліятэка Беларусі, абласныя і публічныя бібліятэкі мясцовых органаў улады. Амаль кожны трэці грамадзянін Беларусі з’яўляецца карыстальнікам публічнай бібліятэкі.

Электронныя каталогі, якія адлюстроўваюць фонды большасці бібліятэк, даступныя карыстальнікам у глабальнай сетцы Інтэрнэт праз створаныя сайты.

Электронныя інфармацыйныя рэсурсы, прадстаўленыя ў гэтым раздзеле, з’яўляюцца беларусазнаўчымі і накіраваны перш за ўсё на раскрыццё фондаў бібліятэк у інтарэсах нацыянальнай гісторыі, культуры, навукі, адукацыі, спрыяюць папулярызацыі багатай і ўнікальнай дакументнай і кніжнай спадчыны нашага народа.

Спасылкі на інтэрнэт-рэсурсы