Інфармацыйныя тэхналогіі

У Беларусі хутка і паспяхова развіваецца сектар інфармацыйных тэхналогій (ІТ), што дазволіла ёй стаць адным з буйнейшых пастаўшчыкоў праграмнага забеспячэння ў свеце.

Беларусь бярэ ўдзел у праграмах развіцця інфармацыйна-камунікацыйных тэхналогій (ІКТ) такіх міжнародных арганізацый, як ААН, Міжнародны саюз электрасувязі, Рэгіянальная садружнасць у галіне сувязі краін СНД, што забяспечвае сур′ёзную кансультацыйна-тэхнічную падтрымку пры распрацоўцы стратэгіі развіцця ІТ.

У краіне створана разгорнутая нарматыўная прававая база, прыняты правапрымяняльныя і арганізацыйныя меры па рэалізацыі рашэнняў Сусветнага саміту па інфармацыйным грамадстве, уключаючы развіццё ІКТ.

У мэтах стварэння спрыяльных умоў для павышэння канкурэнтаздольнасці галін беларускай эканомікі, заснаваных на новых і высокіх тэхналогіях, удасканалення ўмоў для распрацоўкі сучасных тэхналогій і павелічэння іх экспарту, прыцягнення ў гэту сферу айчынных і замежных інвестыцый у 2005 годзе ў Беларусі быў створаны Парк высокіх тэхналогій (ПВТ).

Беларускія спецыялісты ўдзельнічаюць у ІT-праектах любой складанасці, пачынаючы з сістэмнага аналізу, кансалтынгу, падбору апаратных сродкаў і заканчваючы канструяваннем і распрацоўкай складаных сістэм. Спажыўцамі беларускага праграмнага забеспячэння, створанага рэзідэнтамі ПВТ, з'яўляюцца вядомыя сусветныя карпарацыі, такія як Microsoft, HP, Coca-Cola, Colgate-Palmolive, Google, Toyota, Citibank, MTV, Expedia, Reuters, Samsung, HTC, Mitsubishi, British Petroleum, British Telecom, Лонданская фондавая біржа, Сусветны банк і іншыя. Па даных аднаго з найбуйнейшых ІТ-выданняў "Global Services", які публікуе штогадовы спіс вядучых правайдараў паслуг ІТ-аўтсорсінгу і аўтсорсінгу бізнес-працэсаў, у 2011 годзе шэсць кампаній – рэзідэнтаў ПВТ увайшлі ў сотню лепшых сусветных пастаўшчыкоў ІТ-паслуг. У 2021 годзе экспарт ПВТ дасягнуў абсалютнага рэкорду і склаў $3,2 млрд. Хуткімі тэмпамі расце і колькасць новых кампаній у ПВТ. За 2017–2021 гг. колькасць рэзідэнтаў Парка вырасла ў 5 разоў і павялічылася са 192 да 1065, а яго колькасць сёння складае больш за 78 тысяч чалавек. Гэта 2% ад занятых у эканоміцы Беларусі. Яны вырабляюць амаль 5% ВУП.

ПВТ дапамагае развіццю рэгіёнаў. Дзякуючы прававога рэжыму Парку, які дзейнічае на ўсёй тэрыторыі Беларусі, рэзідэнт можа быць зарэгістраваны і весці сваю дзейнасць у любым пункце краіны. Сёння за межамі Мінска працуюць больш за 100 кампаній-рэзідэнтаў ПВТ і больш за 4 тысячы чалавек. Больш за 35 працэнтаў рэзідэнтаў ПВТ - прадпрыемствы з замежным капіталам. За апошнія пяць гадоў Парк прыцягнуў сумарна больш за $1,5 млрд. замежных інвестыцый. Акрамя таго, сёння ў ПВТ сканцэнтраваны 122 цэнтры распрацоўкі міжнародных кампаній.

• выгаднае геаграфічнае месцазнаходжанне;
• прадстаўніцтва ў рэспубліцы найбуйнейшых кампаній у ІТ-галіне (IBA BELARUS, Epam  і інш.);
• актыўная дзяржаўная падтрымка сектара ІТ-паслуг;
• арыентацыя ўнутранага беларускага рынку на засваенне перадавых інфармацыйных тэхналогій.

Спасылкі на інтэрнэт-рэсурсы