Юныя Героі
.jpeg)
МАРАТ ІВАНАВІЧ КАЗЕЙ (1929–1944)
Званне Героя Савецкага Саюза прысвоена Указам Прэзідыума Вярхоўнага Савета СССР ад 8 мая 1965 года «за асаблівыя заслугі, мужнасць і гераізм, праяўленыя ў барацьбе супраць нямецка-фашысцкіх захопнікаў у перыяд Вялікай Айчыннай вайны 1941–1945 гг.» (пасмяротна).
Марат нарадзіўся на Міншчыне. У першыя дні вайны яго вёска была акупіравана фашыстамі. Пасля забойства маці, якая схавала ў сваёй хаце партыйных дзеячаў, дванаццацігадовы хлопчык у ліпені 1942 г. разам з сястрой пайшоў у партызаны. Марат хадзіў у тыл ворага для збору даных, не раз прымаў удзел у дыверсіях на аўтамабільных і чыгуначных дарогах. За праяўленыя ў яго першым баі адвагу і мужнасць быў прадстаўлены да медаля «За адвагу». У сакавіку 1943 г. юны партызан здзейсніў гераічны ўчынак у баі атрада з карнікамі, за што быў узнагароджаны медалём «За баявыя заслугі».
11 мая 1944 г. Марат трапіў у засаду, будучы цяжка параненым, адстрэльваўся да апошняга патрона, а калі яны скончыліся, астатняй гранатай падарваў сябе і фашыстаў.
.jpeg)
ЗІНАІДА МАРТЫНАЎНА ПАРТНОВА (1926–1944)
Званне Героя Савецкага Саюза прысвоена Указам Прэзідыума Вярхоўнага Савета СССР ад 1 ліпеня 1958 года «за ўзорнае выкананне баявых заданняў у тыле ворага, гераізм, праяўлены ў барацьбе з нямецкімі захопнікамі» (пасмяротна).
Зінаіда Мартынаўна Партнова нарадзілася ў Ленінградзе. Будучы членам кіраўніцтва падпольнай камсамольска-маладзёжнай арганізацыі «Юныя мсціўцы». З дапамогай юных падпольшчыкаў было здзейснена некалькі дыверсій на чыгунцы, узарвана вадакачка, што затрымала адпраўку на фронт каля дзясятка варожых эшалонаў. Подпольшчыкі падарвалі мясцовую электрастанцыю, спалілі ільнозавод, вывялі са строю некалькі грузавікоў.
У жніўні 1943 г. З. Партнова стала разведчыцай партызанскага атрада імя К.Я. Варашылава. Яна пранікала ў гарнізоны акупантаў і здабывала каштоўныя звесткі. Пры выкананні аднаго з баявых заданняў Зіна была схоплена гітлераўцамі. Яе жорстка катавалі, аднак не дабіўшыся поспеху, мужную, нязломленую юную партызанку расстралялі 10 студзеня 1944 г.