Чэрвень

МНДПІ (Мінскі навукова-даследчы прыборабудаўнічы інстытут) (1954, Мінск, г.), адкрытае акцыянернае таварыства – 70 гадоў з часу стварэння

2 – Жукоўскі Усевалад Фёдаравіч (1924, Бярэзінскі раён – 2003), педагог, майстар па вырабе музычных інструментаў, заслужаны работнік культуры Беларусі – 100 гадоў з дня нараджэння

2 – Кабатнікава Вера Рафаілаўна (1924–1997), актрыса, заслужаная артыстка Беларусі – 100 гадоў з дня нараджэння

4 – Дземчанкава Аляксандра Паўлаўна (1924–1996), бібліятэкар-бібліёграф, заслужаны работнік культуры Беларусі – 100 гадоў з дня нараджэння

4 – Сумеснае прадпрыемства адкрытае акцыянернае таварыства «Спартак» (1924, Гомель, г.), адзін з буйнейшых вытворцаў кандытарскіх вырабаў у Беларусі – 100 гадоў з часу стварэння

5 – Пэн Юдаль (Іегуда) Моўшавіч (Юрый Майсеевіч) (1854–1937), жывапісец, які працаваў пераважна ў жанры партрэта, а таксама пейзажа, тэматычнай карціны, педагог, стваральнік Віцебскай мастацкай школы – 170 гадоў з дня нараджэння

5 – Анісенка Валерый Данілавіч (1944, Талачын, г.), рэжысёр, акцёр, педагог, заслужаны дзеяч мастацтваў Беларусі, лаўрэат Дзяржаўнай прэміі Беларусі (1990), спецыяльнай прэміі Прэзідэнта Рэспублікі Беларусь (2002), прэміі "За духоўнае адраджэнне" (2005) – 80 гадоў з дня нараджэння

6 – Здановіч Іван Усцінавіч (1864, Мінск, г. – 1915), урач, арганізатар шпітальнага абслугоўвання ў Мінскай губерні, заснавальнік першага ў Беларусі вучылішча для сляпых дзяцей і школы ўрачэбнай і гігіенічнай гімнастыкі, кавалер ордэнаў Святога Станіслава ІІ і ІІІ ступеней, Святой Ганны ІІІ ступені, Святога Уладзіміра ІV ступені – 160 гадоў з дня нараджэння

7 – Рупасава Жанна Аляксандраўна (1944), вучоны ў галіне экалогіі і фізіялогіі раслін, член-карэспандэнт НАН Беларусі, заслужаны дзеяч навукі Беларусі, лаўрэат прэміі НАН Беларусі (1999, 2009) – 80 гадоў з дня нараджэння

8 – Вальфсон Сямён Якаўлевіч (1894, Бабруйск, г. – 1941), вучоны ў галіне філасофіі, акадэмік НАН Беларусі – 130 гадоў з дня нараджэння

9 – Дарашкевіч Віктар Іванавіч (1949, Шчучынскі раён – 2003), літаратуразнавец, крытык, перакладчык, тэкстолаг – 75 гадоў з дня нараджэння

10 – Дамброўскі Антоній Самуэль (1774, Тураў, г. – 1838), жывапісец і тэатральны мастак, аўтар твораў у галіне манументальнага і станковага жывапісу – 250 гадоў з дня нараджэння

11 – Хількевіч Анатоль Паўлавіч (1934, Слуцкі раён – 2005), вучоны-філосаф, заслужаны дзеяч навукі Беларусі – 90 гадоў з дня нараджэння

12 – Міцкевіч Юзаф (1744, Гродзенскі павет – 1817), механік, фізік, асветнік, педагог – 280 гадоў з дня нараджэння

12 – «Дынама» (1934, Мінск, г.), стадыён – 90 гадоў з часу адкрыцця

13 – Вераніцын (Васільеў) Канстанцін Васільевіч (1834, Гарадоцкі раён – 1904), адзін з удзельнікаў літаратурнага жыцця ў Беларусі сярэдзіны XІX cт., магчымы аўтар паэмы «Тарас на Парнасе» – 190 гадоў з дня нараджэння

13 – Навіцкі Станіслаў Мамертавіч (1899, Мінскі раён – 1972), цымбаліст, заслужаны артыст Беларусі – 125 гадоў з дня нараджэння

13 – Івіцкі Андрэй Ігнатавіч (1904, Чавускі раён – 1992), вучоны ў галіне меліярацыі, член-карэспандэнт НАН Беларусі, заслужаны дзеяч навукі Беларусі – 120 гадоў з дня нараджэння

16 – Ельскі Аляксандр Карлавіч (1834, Пухавіцкі раён – 1916), гісторык, этнограф, краязнавец, пісьменнік, перакладчык, публіцыст – 190 гадоў з дня нараджэння

16 – Шахматаў Аляксей Аляксандравіч (1864–1920), мовазнавец, філолаг, гісторык, які зрабіў істотны ўклад у беларусістыку (выдаў тэксты беларуска-літоўскіх летапісаў і хронік у серыі «Поўны збор рускіх летапісаў», зрабіў фанаграфічныя запісы беларускіх гаворак і фальклору Барысаўскага павета і інш.), акадэмік Пецярбургскай АН – 160 гадоў з дня нараджэння

18 – Абухаў (Обухаў) Генадзь Аляксеевіч (1924–2010), вучоны ў галіне псіхіятрыі, заслужаны ўрач Беларусі – 100 гадоў з дня нараджэння

19 – Быкаў Васіль Уладзіміравіч (1924, Ушацкі раён – 2003), народны пісьменнік Беларусі, лаўрэат Літаратурнай прэміі імя Якуба Коласа (1964), Дзяржаўнай прэміі СССР (1974), Дзяржаўнай прэміі Беларусі імя Якуба Коласа (1978), Ленінскай прэміі (1986) – 100 гадоў з дня нараджэння

20 – Іаан (свецкае імя Варанец Іван Васільевіч) (20.06.1864, Халопенічы, г. п. – 1937), протаіерэй, святы Беларускай Праваслаўнай Царквы, новапакутнік Мінскай епархіі – 160 гадоў з дня нараджэння

20 – Сяргейчык Цімафей Мікалаевіч (1899, Глускі раён – 1977), акцёр, народны артыст Беларусі, лаўрэат Дзяржаўнай прэміі СССР (1946) – 125 гадоў з дня нараджэння

21 – Сержпутоўскі Аляксандр Казіміравіч (1864, Слуцкі раён – 1940), этнограф, фалькларыст, мовазнавец, правадзейны член Інбелкульта – 160 гадоў з дня нараджэння

21 – Говар-Бандарэнка Уладзімір Міхайлавіч (1914, Рагачоў, г. – 1988), акцёр, заслужаны артыст Беларусі – 110 гадоў з дня нараджэння

23 – Беларуская аперацыя 1944 г. («Баграціён»), адна з буйнейшых стратэгічных наступальных аперацый Чырвонай арміі ў Вялікую Айчынную вайну, у выніку якой тэрыторыя Беларусі была вызвалена ад нямецка-фашысцкіх захопнікаў – 80 гадоў з пачатку аперацыі

23 – Помазаў Віктар Пятровіч (1949, Веткаўскі раён – 1986), кампазітар, лаўрэат Дзяржаўнай прэміі Беларусі (1986) – 75 гадоў з дня нараджэння

24 – Варфаламеева Тамара Барысаўна (1944), этнамузыколаг, лаўрэат спецыяльнай прэміі Прэзідэнта Рэспублікі Беларусь дзеячам культуры і мастацтва (2014) – 80 гадоў з дня нараджэння

24 – Тоўсцік Уладзімір Антонавіч (1949, Мінск, г.), жывапісец, педагог, народны мастак Беларусі, заслужаны дзеяч мастацтваў Беларусі, лаўрэат Дзяржаўнай прэміі Беларусі (1994), прэміі Ленінскага камсамола Беларусі (1982) – 75 гадоў з дня нараджэння

25 – Маладзечанская настаўніцкая семінарыя (1864, Маладзечна, г. – 1920), сярэдняя спецыяльная навучальная ўстанова для падрыхтоўкі настаўнікаў пачатковых народных вучылішч, адна з першых у Расійскай імперыі – 160 гадоў з часу заснавання (адкрыта 08.11.1864 г.)

25 – Нацыянальная кніжная палата Беларусі (1924, Мінск, г.), дзяржаўная ўстанова – 100 гадоў з часу стварэння

25 – Тамашова Лілія Фёдараўна (1924, Сенненскі раён – 2016), літаратуразнавец, педагог, аўтар метадычных дапаможнікаў для сярэдніх школ – 100 гадоў з дня нараджэння

26 – Градаў Юрый Міхайлавіч (1934), заслужаны архітэктар Беларусі, лаўрэат Ленінскай прэміі (1970), сярод асноўных работ якога – праект аднаўлення гістарычнага цэнтра Мінска, станцыя метро "Плошча Леніна", мемарыяльны ансамбль "Хатынь" і інш. – 90 гадоў з дня нараджэння

27 – Бароўскі Леан (1784, Піншчына – 1846), літаратуразнавец, педагог, публіцыст, крытык, перакладчык, тэарэтык паэзіі і красамоўства – 240 гадоў з дня нараджэння

27 – Мінько Анатоль Антонавіч (1949–2020), вучоны-фізік, заслужаны дзеяч навукі Беларусі – 75 гадоў з дня нараджэння

28 – Караткевіч (Нікіціна) Валянціна  Браніславаўна (1934–1983), вучоны ў галіне археалогіі і гісторыі, лаўрэат Дзяржаўнай прэміі Беларусі (1990) – 90 гадоў з дня нараджэння

28 – Таўкачоў Віталь Антонавіч (1934, Дзяржынскі раён), вучоны-фізік, акадэмік НАН Беларусі, лаўрэат Ленінскай прэміі (1980) і Дзяржаўнай прэміі Беларусі (1998) – 90 гадоў з дня нараджэння

29 – Левін Барыс Міхайлавіч (1914, Віцебск, г. – 1990), акцёр, заслужаны артыст Беларусі – 110 гадоў з дня нараджэння

29 – Мінскі раён (1934), адміністрацыйна-тэрытарыяльная адзінка Мінскай вобласці – 90 гадоў з часу ўтварэння