Чэрвень

2 – Валасовіч Канстанцін Адамавіч (1869, Клец. ці Салігор. р-н – 1919), прырода­знавец, геолаг, географ, хімік, заснавальнік чацвярцічнай геалогіі і палеаграфіі Еўрапейскай Поўначы і Запаляр’я – 150 гадоў з дня нараджэння.

2 – Макарычаў Міхаіл Іванавіч (1919–1991), ваенны дзеяч, удзельнік вызвалення Беларусі ў Вялікую Айчынную вайну, генерал-лейтэнант, Герой Савецкага Саюза (1944) – 100 гадоў з дня нараджэння.

3 – Румянцаў Пётр Васілевіч (1859–1929), дзеяч рэвалюцыйнага руху ў Расіі і Бела­русі, на кватэры якога адбыўся Першы з’езд РСДРП – 160 гадоў з дня нараджэння.

3 – Богдан Ніна Іванаўна (1949, г. Мінск), вучоны-эканаміст, выдатнік адукацыі Беларусі – 70 гадоў з дня нараджэння.

3 – Нацыянальны парк «Прыпяцкі», дзяржаўная прыродаахоўная ўстанова (Жытк., Лельч. і Петрык. р-ны; 1969) – 50 гадоў з часу стварэння.

5 – Анісенка Валерый Данілавіч (1944, г. Талачын), рэжысёр, акцёр, педагог, заслу­жаны дзеяч мастацтваў Беларусі, лаўрэат Дзяржаўнай прэміі Беларусі (1990), спецыяльнай прэміі Прэзідэнта Рэспублікі Беларусь (2002), прэміі «За духоўнае адраджэнне» (2005), прэміі Федэрацыі прафсаюзаў Беларусі (2011), кавалер ордэна Ф. Скарыны – 75 гадоў з дня нараджэння.

5 – Іванчук Вячаслаў Міхайлавіч (1959, г. Брэст), трэнер (стральба з лука), майстар спорту СССР, заслужаны трэнер Беларусі, сярод выхаванцаў якога – паралімпійская чэм­піёнка Т.А. Грышко – 60 гадоў з дня нараджэння.

7 – Мураўская Галіна Уладзіміраўна (1939–2006), вучоны ў галіне радыяцыйнай анкалогіі, лаўрэат Дзяржаўнай прэміі Беларусі (1998), выдатнік аховы здароўя – 80 гадоў з дня нараджэння.

7 – Скарынкін Уладзімір Максімавіч (1939, г. Віцебск), паэт, перакладчык, лаўрэат Дзяржаўнай прэміі Беларусі імя Я. Купалы (2000), Нацыянальнай прэміі Італіі (1998), рэспубліканскай літаратурнай прэміі «Залаты Купідон» (2012) – 80 гадоў з дня нараджэння.

7 – Рупасава Жанна Аляксандраўна (1944), вучоны ў галіне экалогіі і фізіялогіі раслін, член-карэспандэнт НАН Беларусі, лаўрэат прэміі НАН Беларусі (1999, 2009) – 75 гадоў з дня нараджэння.

8 – Вальфсон Сямён Якаўлевіч (1894, г. Бабруйск – 1941), вучоны ў галіне філа­софіі, акадэмік НАН Беларусі – 125 гадоў з дня нараджэння.

8 – Ходыраў Віктар Іванавіч (1939), вучоны ў галіне тэхналогіі машынабудавання, вынаходнік СССР – 80 гадоў з дня нараджэння.

9 – Баляслаўскі Ісак Яфрэмавіч (1919–1977), шахматыст, міжнародны гросмайстар, заслужаны майстар спорту СССР, заслужаны трэнер СССР – 100 гадоў з дня нараджэння.

9 – Саламаха Алена Аляксееўна (1939), музыказнавец, даследчык опернага мастацтва Беларусі, аўтар сцэнарыяў дакументальных фільмаў пра творчасць беларускіх оперных спевакоў – 80 гадоў з дня нараджэння.

9 – Дарашкевіч Віктар Іванавіч (1949, Шчуч. р-н – 2003), літаратуразнавец, крытык, перакладчык, тэкстолаг – 70 гадоў з дня нараджэння.

10 – Дзеружынскі Авяр’ян Сафонавіч (1919, Карм. р-н – 2002), паэт, лаўрэат Літа­ратурнай прэміі імя Я. Маўра (1999) – 100 гадоў з дня нараджэння.

12 – Міцкевіч Юзаф (1744, Гродзен. пав. – 1817), механік, фізік, асветнік, педагог, «бацька фізікі на Літве» – 275 гадоў з дня нараджэння.

12 – Пеніна Эма Ільінічна (1939), спявачка, педагог, заслужаная артыстка Беларусі – 80 гадоў з дня нараджэння.

13 – Горскі Канстанцін Антоній (Канстанцінавіч; 1859, г. Ліда – 1924), скрыпач, кампазітар, педагог – 160 гадоў з дня нараджэння.

13 – Навіцкі Станіслаў Мамертавіч (1899, Мін. р-н – 1972), цымбаліст, заслужаны артыст Беларусі – 120 гадоў з дня нараджэння.

14 – Памазан Арнольд Кандратавіч (1939), акцёр тэатра і кіно, народны артыст Беларусі – 80 гадоў з дня нараджэння.

14 – Моўчан Валерый Іванавіч (1959), спартсмен (веласіпедны спорт), заслужаны майстар спорту СССР, чэмпіён ХХІІ Алімпійскіх гульняў (1980, Масква) – 60 гадоў з дня нараджэння.

15 – Чэрня Хведар (Фёдар Мікалаевіч; 1939, Валож. р-н – 1983), паэт, аўтар паэтыч­ных зборнікаў і кніг для дзяцей – 80 гадоў з дня нараджэння.

15 – Гарцуеў Аляксандр Фёдаравіч (1959, Чавус. р-н), акцёр, рэжысёр, заслужаны дзеяч мастацтваў Беларусі, лаўрэат першай Нацыянальнай тэатральнай прэміі (2011), прэміі Федэрацыі прафсаюзаў Беларусі (2017) – 60 гадоў з дня нараджэння.

16 – Радзівіл Альбрыхт Уладзіслаў (1589, г. Нясвіж – 1636), дзяржаўны дзеяч ВКЛ, мецэнат – 430 гадоў з дня нараджэння.

16 – Зянкевіч Леў Аляксандравіч (1889–1970), вучоны-акіянолаг, гідрабіёлаг, арга­нізатар комплексных экспедыцыйных даследаванняў вадаёмаў Беларусі, ініцыятар стварэн­ня Нарачанскай біялагічнай станцыі (1946), акадэмік АН СССР, лаўрэат Ленінскай (1965) і Дзяржаўнай (1951) прэмій СССР – 130 гадоў з дня нараджэння.

16 – Волкаў Віталь Васілевіч (1939–2005), музыкант (труба), педагог, заслужаны артыст Беларусі – 80 гадоў з дня нараджэння.

16 – Рошчына Таццяна Іванаўна (1949, г. Мінск), бібліёграф, заслужаны дзеяч культуры Беларусі – 70 гадоў з дня нараджэння.

18 – Янчанка Алег Рыгоравіч (1939–2002), беларускі і расійскі арганіст, кампазітар, педагог, арганізатар і першы дырыжор Мінскага камернага аркестра, народны артыст Расіі, лаўрэат Дзяржаўнай прэміі СССР (1984) – 80 гадоў з дня нараджэння.

19 – Вальчук Генадзь Паўлавіч (1949, г. Мінск), трэнер-выкладчык (грэка-рымская барацьба), майстар спорту СССР, заслужаны трэнер Беларусі – 70 гадоў з дня нараджэння.

20 – Сяргейчык Цімафей Мікалаевіч (1899, Глус. р-н – 1977), акцёр, народны ар­тыст Беларусі, лаўрэат Дзяржаўнай прэміі СССР (1946) – 120 гадоў з дня нараджэння.

20 – Кандрацьеў Пётр Васілевіч (1909, г. Віцебск – 1943), удзельнік савецка-фін­ляндскай вайны 1939–1940 гг. і Вялікай Айчыннай вайны, Герой Савецкага Саюза (1940) – 110 гадоў з дня нараджэння.

20 – Шуканаў Адам Сямёнавіч (1929, Лельч. р-н), вучоны ў галіне мікалогіі, заслу­жаны работнік вышэйшай школы Беларусі, выдатнік адукацыі Беларусі – 90 гадоў з дня нараджэння.

20 – Раеўскі Валерый Мікалаевіч (1939, г. Мінск – 2011), рэжысёр, педагог, народ­ны артыст Беларусі, заслужаны дзеяч мастацтваў Беларусі, лаўрэат Дзяржаўнай прэміі СССР (1985), Дзяржаўнай прэміі Беларусі (1988), спецыяльнай прэміі Прэзідэнта Рэспуб­лікі Беларусь (2002) – 80 гадоў з дня нараджэння.

21 – Сцянько Віктар Георгіевіч (1949, Навагруд. р-н), вучоны ў галіне хірургіі –
70 гадоў з дня нараджэння.

22 – Дрэйзін Юльян (Юліян) Мікалаевіч (1879–1942), музыказнавец, публіцыст, перакладчык, аўтар шматлікіх артыкулаў па актуальных пытаннях беларускага музычнага мастацтва – 140 гадоў з дня нараджэння.

22 – Пурэцкі Юлій Платонавіч (1929–2007), архітэктар, заслужаны будаўнік Узбекі­стана, лаўрэат Дзяржаўнай прэміі СССР (1975), прэміі Савета Міністраў СССР (1972, 1985) – 90 гадоў з дня нараджэння.

22 – Сярова Зоя Якаўлеўна (1929, г. Мінск – 2008), вучоны ў галіне фітапатафізіяло­гіі, лаўрэат прэміі НАН Беларусі (2007), кавалер ордэна Айчыннай вайны ІІ ступені – 90 гадоў з дня нараджэння.

23 – Адамюк Эміліян Валянцінавіч (1839, Гродзен. губ. – 1906), урач, адзін з засна­вальнікаў расійскай афтальмалогіі, першы прафесар афтальмалогіі Казанскага ўніверсітэта (1871–1901), арганізатар першай у Казані клінікі хвароб вачэй (1870) – 180 гадоў з дня нараджэння.

23 – Беларуская аперацыя 1944 г. («Баграціён»), адна з буйнейшых стратэгічных наступальных аперацый Савецкай арміі ў Вялікую Айчынную вайну – 75 гадоў з пачатку аперацыі.

23 – Помазаў Віктар Пятровіч (1949, г. Гомель – 1986), кампазітар, які працаваў у жанрах вакальна-сімфанічнай музыкі і музыкі для народнага аркестра, лаўрэат Дзяржаўнай прэміі Беларусі (1986) – 70 гадоў з дня нараджэння.

24 – Говараў Фёдар Іванавіч (1919–1943), удзельнік вызвалення Беларусі ў Вялікую Айчынную вайну, Герой Савецкага Саюза (1944) – 100 гадоў з дня нараджэння.

24 – Варфаламеева Тамара Барысаўна (1944), этнамузыколаг, лаўрэат спецыяльнай прэміі Прэзідэнта Рэспублікі Беларусь дзеячам культуры і мастацтва (2014) – 75 гадоў з дня нараджэння.

24 – Баранаў Валянцін Уладзіміравіч (1949, г. Мінск), вучоны у галіне мікраэлек­тронікі, лаўрэат Дзяржаўнай прэміі Беларусі (1982) – 70 гадоў з дня нараджэння.

24 – Тоўсцік Уладзімір Антонавіч (1949, г. Мінск), жывапісец, педагог, народны мастак Беларусі, заслужаны дзеяч мастацтваў Беларусі, лаўрэат Дзяржаўнай прэміі Бела­русі (1994), прэміі Ленінскага камсамола Беларусі (1982), Нацыянальнай прэміі ў галіне выяўленчага мастацтва (2017) – 70 гадоў з дня нараджэння.

24 – Душкевіч Інэса Анатольеўна (1959, г. Мінск), артыстка балета, народная ар­тыстка Беларусі, лаўрэат прэміі Ленінскага камсамола Беларусі (1986), Дзяржаўнай прэміі Беларусі (1996) і тэатральнай прэміі імя Л. Александроўскай (1996) – 60 гадоў з дня нара­джэння.

25 – Бечык Варлен Леанідавіч (1939, Мін. р-н – 1985), літаратуразнавец, крытык, даследчык праблем грамадзянскасці беларускай паэзіі і прозы, творчай індывідуальнасці майстроў слова – 80 гадоў з дня нараджэння.

27 – Пагарэлаў Леў Мікалаевіч (1929–2010), заслужаны архітэктар Беларусі, лаў­рэат прэміі Савета Міністраў СССР (1987), кавалер ордэна святога роўнаапостальнага вялі­кага князя Уладзіміра, ордэна прападобнага Сергія Раданежскага, уладальнік ганаровага прыза Беларускага Саюза архітэктараў «Зодчий Республики Беларусь» (2008) – 90 гадоў з дня нараджэння.

27 – Мінько Анатоль Антонавіч (1949), вучоны-фізік, заслужаны дзеяч навукі Бела­русі – 70 гадоў з дня нараджэння.

28 – Акцябрскі раён, адміністрацыйна-тэрытарыяльная адзінка Гомельскай вобласці (1939) – 80 гадоў з часу ўтварэння.

29 – Зыслаў, мемарыяльны комплекс, (Любан. р-н; 1969) – 50 гадоў з часу адкрыцця.

30 – Булатаў Уладзімір Георгіевіч (1929–1976), спартсмен і трэнер па лёгкай атле­тыцы (скачкі з шастом), заслужаны майстар спорту СССР, заслужаны трэнер Беларусі – 90 гадоў з дня нараджэння.