Публичная библиотека в столичном микрорайоне Брилевичи. Фото А. Дидевича. БЕЛТА
Публічная бібліятэка ў сталічным мікрараёне Брылевічы. Фота А. Дзідзевіча. БЕЛТА
Public library in the capital microdistrict Brilevichi. Photo by A. Didevich. BELTA

Сельская библиотека агрогородка Остромичи. Кобринский район. Фото Р. Кобяка. БЕЛТА
Сельская бібліятэка аграгарадка Астромічы. Кобрынскі раён. Фота Р. Кабяка. БЕЛТА
The rural library of the agrotown Ostromichi. Kobrin district. Photo by R. Kobyak. BELTA

Городская библиотека им. А.С. Пушкина в Бобруйске - одна из старейших в Беларуси. Фото О. Фойницкого. БЕЛТА
Гарадская бібліятэка імя А.С. Пушкіна ў Бабруйску - адна са старэйшых у Беларусі. Фота А. Файніцкага. БЕЛТА
City Library named after A.S. Pushkin in Bobruisk is one of the oldest in Belarus. Photo by O. Foinitsky. BELTA

Центральная районная библиотека. Толочин. Фото А. Хитрова. БЕЛТА
Цэнтральная раённая бібліятэка. Талочын. Фота А. Хітрова. БЕЛТА
Central district library. Tolochin. Photo by A. Khitrov. BELTA

Коллектив ЦБС Полоцка с дипломом лауреата специальной премии Президента Республики Беларусь. Фото А. Хитрова. БЕЛТА
Калектыў ЦБС Полацка з дыпломам лаўрэата спецыяльнай прэміі Прэзідэнта Рэспублікі Беларусь. Фота А. Хітрова. БЕЛТА
The collective of the Central Library System of Polotsk with the diploma of the laureate of the special award of the President of the Republic of Belarus. Photo by A. Khitrov. BELTA

В центральной городской библиотеке им. А.С. Пушкина. Орша. Фото А. Хитрова. БЕЛТА
У цэнтральнай гарадской бібліятэцы імя А.С. Пушкіна. Орша. Фота А. Хітрова. БЕЛТА
In the central city library named after A.S. Pushkin. Orsha. Photo by A. Hitrov. BELTA

В Несвижской центральной районной библиотеке. Фото А. Дидевича. БЕЛТА
У Нясвіжскай цэнтральнай раённай бібліятэцы. Фота А. Дзідзевіча. БЕЛТА
In Nesvizh Central District Library. Photo by A. Didevich. BELTA

Публічныя бібліятэкі

Публічныя бібліятэкі прызначаныя для задавальнення інфармацыйных патрэбаў шырокіх слаёў насельніцтва. Сучасны стан бібліятэчнай сеткі краіны, асноўныя праблемы ў развіцці галіны і шляхі іх вырашэння знайшлі сваё адлюставанне ў дзяржаўнай праграме «Культура Беларусі» на 2021–2025 гады. На пачатак 2023 г. у рэспубліцы налічваецца больш за 2,2 тыс. публічных бібліятэк. Аб’ём бібліятэчнага фонду Беларусі складае звыш 51 млн экзэмпляраў. На канец 2021 года ў краіне налічваецца 2103 публічныя бібліятэкі, якія маюць доступ да сеткі Інтэрнэт.

Сярод пытанняў, якія патрабуюць пільнай увагі і вырашэнню якіх супрацоўнікі бібліятэк удзяляюць шмат часу, – вывучэнне і ўкараненне інфармацыйных тэхналогій у практыку работы, алічбоўка і агрэгацыя інфармацыйных рэсурсаў, павышэнне якасці і разнастайнасці паслуг, павелічэнне колькасці карыстальнікаў, у тым ліку віртуальных.

Бібліяграфічную інфармацыю аб складзе фондаў публічных бібліятэк Беларусі змяшчаюць рэгіянальныя зводныя электронныя каталогі (РСЭК). Яны забяспечваюць інтэграцыю метададзеных інфармацыйных бібліятэчных рэсурсаў на ўзроўні абласцей і краіны.

На базе дзяржаўных публічных бібліятэк з мэтай забеспячэння фарміравання ў грамадзян прававых ведаў, навыкаў правамерных паводзін, паважлівага стаўлення да права і садзейнічання правядзенню мерапрыемстваў па прававой асвеце грамадзян створаны публічныя цэнтры прававой інфармацыі (ПЦПІ).

Прыярытэтным напрамкам дзейнасці публічных бібліятэк было і застаецца краязнаўства. Яно садзейнічае захаванню і развіццю самабытнай культуры мясцовай супольнасці. Лічбавае асяроддзе стварае спрыяльныя ўмовы для развіцця краязнаўчай дзейнасці бібліятэк, рэалізацыі арыгінальных электронных праектаў, выданняў, баз дадзеных, паўнатэкставых калекцый і інш. Важным інфармацыйна-камунікатыўным рэсурсам бібліятэк у віртуальнай прасторы з’яўляюцца парталы/навігатары па краязнаўчых інтэрнэт-рэсурсах, якія дазваляюць размяшчаць вялікі аб’ём інфармацыі, даступны для кожнага карыстальніка. Гэта, а таксама стварэнне краязнаўчых цэнтраў на базе бібліятэк, правядзенне розных мерапрыемстваў краязнаўчага характару спрыяе назапашванню новых ведаў, дапамагае здабываць сучасныя сэнсы з гісторыі месца і людзей, стымулюе развіццё навукова-даследчай дзейнасці ў галіне краязнаўства.

Публічныя бібліятэкі

Краязнаўчыя рэсурсы публічных бібліятэк