Беларусь турыстычная
Турызму як важнаму сектару эканомікі ў Рэспубліцы Беларусь нададзены статус аднаго з галоўных дзяржаўных прыярытэтаў.
Беларусь, размешчаная на скрыжаванні еўрапейскіх шляхоў захад – усход і поўнач – поўдзень, мае выгаднае для развіцця турызму геаграфічнае становішча. Яна валодае багатым прыродным патэнцыялам: шырокія лясныя, леса-азёрныя, леса-рачныя прыродныя комплексы, якія ўключаюць помнікі прыроды, разнастайны раслінны і жывёльны свет, прыродныя лячэбныя рэсурсы, паляўнічыя і рыбалоўныя ўгоддзі, маляўнічыя ландшафты з магчымасцю арганізацыі турыстычных пешаходных, конных, веласіпедных, водных паходаў, адпачынку і аздараўлення ў прыродным асяроддзі.
На тэрыторыі краіны распрацаваны і дзейнічаюць шматлікія турыстычна-экскурсійныя маршруты, якія ўключаюць знаёмства з аб’ектамі гісторыка-культурнай спадчыны і прыроднага патэнцыялу. Беларускія турыстычныя кампаніі прапаноўваюць разнастайныя маршруты для падарожнікаў у залежнасці ад мэты наведвання краіны: культурна-пазнавальныя, паломніцкія, дзелавыя, для ўмацавання здароўя, азнаямлення з унікальнай прыродай, палявання або рыбалкі. Сёння ўсё больш папулярным становіцца прамысловы турызм: прадпрыемствы Беларусі знаёмяць экскурсантаў са сваёй гісторыяй, тэхналагічнымі працэсамі, прадукцыяй, распавядаюць аб міжнародным супрацоўніцтве і перспектывах развіцця.
Спасылкі на інтэрнэт-рэсурсы
Міністэрства спорту і турызму Рэспублікі Беларусь
Нацыянальнае агенцтва па турызме. Афiцыйны партал
Фотаэнцыклапедыя Беларусі.Турызм у Беларусі
Экскурсіі па Беларусі - Беларускі экскурсійны партал
Экскурсія па кандытарскай фабрыцы "Спартак"
Вelarus.Travel. Афіцыйны турыстычны партал Беларусі