Жнівень

Бабруйскі завод трактарных дэталяў і агрэгатаў, (г. Бабруйск; 1945) – 75 га­доў з часу стварэння.

Ляхавіцкі малочны завод, сумеснае ААТ, лаўрэат Прэміі Урада Рэспублікі Беларусь за дасягненні ў галіне якасці 2011 года (г. Ляхавічы; 1945) – 75 гадоў з часу стварэння.

«Керамін», прадпрыемства па вытворчасці высакаякасных будаўнічых матэрыялаў, лаўрэат Прэміі Урада Рэспублікі Беларусь за дасягненні ў галіне якасці (2014) (г. п. Радашковічы; 1950) – 70 гадоў з часу вырабу першай прадукцыі.

1 – Жыгімонт ІІ Аўгуст (у ВКЛ – Жыгімонт ІІІ; 1520–1572), вялікі князь ВКЛ і кароль Польшчы – 500 гадоў з дня нараджэння.

1 – Хацкевіч Сцяпан Фёдаравіч (1910, Пухавіцкі раён – 1979), акцёр, заслужаны артыст Беларусі – 110 гадоў з дня нараджэння.

1 – Бандарчык Васіль Кірылавіч (1920, Слуцкі раён – 2009), вучоны-этнограф, член-карэспандэнт НАН Беларусі, заслужаны работнік культуры Беларусі, лаўрэат прэміі НАН Беларусі (1999) – 100 гадоў з дня нараджэння.

1 – Гурко Сяргей Пятровіч (1940, Нясвіжскі раён), вучоны-эканаміст, заслужаны работнік адукацыі Беларусі, выдатнік адукацыі Беларусі, кавалер ордэна «Знак Пашаны» – 80 гадоў з дня нараджэння.

1 – Канцэртны аркестр «Няміга», структурнае падраздзяленне Дзяржаўнай установы «Мінскканцэрт» (г. Мінск; 1990) – 30 гадоў з часу стварэння.

2 – Сярдзючэнка Мікалай Сяргеевіч (1950), вучоны ў галіне траўматалогіі і артапедыі, член-карэспандэнт НАН Беларусі – 70 гадоў з дня нараджэння.

3 – Цяплова Валянціна Анатольеўна (1940), вучоны-гісторык, педагог, узнагаро­джана ордэнам Святой Роўнаапостальнай княгіні Вольгі ІІІ ступені, ордэнам прападобнай Еўфрасінні Полацкай, медалём свяціцеля Кірылы Тураўскага Праваслаўнай Царквы – 80 гадоў з дня нараджэння.

4 – Казлоў Мікалай Раманавіч (1945–2011), графік, мастак кнігі, дыпламант усе­саюзных, міжрэспубліканскіх і рэспубліканскіх конкурсаў «Мастацтва кнігі» – 75 гадоў з дня нараджэння.

6 – Абуховіч Альгерд Рышардавіч (літ. псеўданім Граф Бандынэлі; 1840, Глускі раён – 1898), паэт, мемуарыст, перакладчык, адзін з пачынальнікаў жанру байкі ў беларускай літаратуры – 180 гадоў з дня нараджэння.

6 – Міран Казімір Феліксавіч (1895, Стаўбцоўскі раён – 1972), вучоны ў галіне лесавод­ства, заслужаны лесавод Беларусі – 125 гадоў з дня нараджэння.

6 – Гарфункін Рыгор Саламонавіч (1920, г. п. Янавічы – 1943), удзельнік Вялікай Айчыннай вайны, Герой Савецкага Саюза (1944) – 100 гадоў з дня нараджэння.

6 – Хамчаноўскі Уладзімір Антонавіч (1920, Дубровенскі раён – 1942), удзельнік пад­полля і партызанскага руху ў Віцебскай вобласці ў Вялікую Айчынную вайну, Герой Савецкага Саюза (1965) – 100 гадоў з дня нараджэння.

6 – Іонас Віктар Аўгуставіч (1930–2007), вучоны ў галіне аграхіміі, лаўрэат Дзяр­жаўнай прэміі Беларусі (2002) – 90 гадоў з дня нараджэння.

6 – Герлаван Ларыса Рыгораўна (Георгіеўна; 1940, г. Мінск – 1996), мастак тэатра, якая працавала ў галіне дэкаратыўна-прыкладнога мастацтва, графікі, тэатральна-дэка­рацыйнага жывапісу – 80 гадоў з дня нараджэння.

7 – Ермаловіч Якуб (Якаў Сідаравіч; 1910, Бярэзінскі раён – 1987), пісьменнік, аўтар празаічных твораў на тэмы вайны, працы калгаснікаў і сельскай інтэлігенцыі – 110 гадоў з дня нараджэння.

7 – Цітовіч Генадзь Іванавіч (1910, Мёрскі раён – 1986), этнамузыколаг, дзеяч харавога мастацтва, дырыжор, народны артыст Беларусі і СССР, заслужаны дзеяч мастацтваў Беларусі, лаўрэат Дзяржаўнай прэміі Беларусі (1978), прэміі Ленінскага камсамола Беларусі (1968) – 110 гадоў з дня нараджэння.

7 – Карпаў Аляксандр Аляксандравіч (1950), кінарэжысёр, сцэнарыст, лаўрэат прэміі Прэзідэнта Рэспублікі Беларусь «За духоўнае адраджэнне» (2004) – 70 гадоў з дня нараджэння.

7 – Сухамлінаў Генадзь Уладзіміравіч (1950, г. Віцебск), мастак, педагог – 70 гадоў з дня нараджэння.

9 – Абіхт Рудольф (1850–1921), нямецкі філолаг-славіст, адзін з першых даследчыкаў і папулярызатараў беларускай культуры ў Германіі – 170 гадоў з дня нараджэння.

9 – Бурсевіч Максім Тарасавіч (1890, Слонімскі раён – 1937), дзеяч нацыянальна-вызваленчага руху ў Заходняй Беларусі, педагог, публіцыст – 130 гадоў з дня нараджэння.

9 – Геніюш Ларыса Антонаўна (1910, Ваўкавыскі раён – 1983), паэтэса, дзеяч бела­рускага адраджэння – 110 гадоў з дня нараджэння.

10 – Разенталь Саламон Конрадавіч (1890, г. Вільня – 1955), беларускі і расійскі вучоны ў галіне дэрматавенералогіі, шахматыст, майстар спорту, першы чэмпіён Беларусі па шахматах (1924, 1925) – 130 гадоў з дня нараджэння.

10 – Беларускі трэці дзяржаўны тэатр, арганізатарам і кіраўніком якога быў буйны дзеяч нацыянальнай сцэны, першы народны артыст Беларусі У.І. Галубок (1920–1937) – 100 гадоў з пачатку існавання.

10 – Нацыянальны парк «Браслаўскія азёры», дзяржаўная прыродаахоўная ўстанова (Браслаўскі р-н; 1995) – 25 гадоў з часу стварэння.

14 – Выдрын Максім Львовіч (1870–1951), вучоны ў галіне акушэрства і гінекалогіі, заснавальнік і кіраўнік (1923–1950) першай у рэспубліцы кафедры акушэрства і гінекалогіі медыцынскага факультэта БДУ, аўтар першых фундаментальных падручнікаў па акушэр­стве і гінекалогіі на беларускай мове, заслужаны дзеяч навукі Беларусі – 150 гадоў з дня нараджэння.

14 – Мінскі камбінат сілікатных вырабаў, прадпрыемства па вытворчасці цеплаізаляцыйных і будаўнічых матэрыялаў (г. Мінск; 1895) – 125 гадоў з часу заснавання.

15 – Беларуская дзяржаўная сельскагаспадарчая акадэмія, першая на тэрыторыі Беларусі і Расіі вышэйшая сельскагаспадарчая школа, вядучая ВНУ ў нацыянальнай сістэ­ме адукацыі ў галіне падрыхтоўкі кадраў для сельскай гаспадаркі (г. Горкі; 1840) – 180 га­доў з часу адкрыцця (заснавана 24.04.1836).

16 – Бяда Леанід Ігнатавіч (1920–1976), ваенны дзеяч, генерал-лейтэнант авіяцыі, заслужаны ваенны лётчык СССР, удзельнік вызвалення Беларусі ў Вялікую Айчынную вайну, двойчы Герой Савецкага Саюза (1944, 1945) – 100 гадоў з дня нараджэння.

19 – Жаўрук Алесь (сапр. Сінічкін Аляксандр Дзмітрыевіч; 1910, г. Сянно – 1942), паэт, аўтар паэтычных зборнікаў, ваенны карэспандэнт – 110 гадоў з дня нараджэння.

20 – Камароў Фадзей Фадзеевіч (1945, Чавускі раён), вучоны-фізік, член-карэспандэнт НАН Беларусі, лаўрэат Дзяржаўнай прэміі Беларусі (1998), прэміі БДУ імя А.Н. Сеўчанкі (2005) – 75 гадоў з дня нараджэння.

21 – Берастнеў Алег Васільевіч (1940, г. Хойнікі – 2014), вучоны ў галіне машы­набудавання, член-карэспандэнт НАН Беларусі, заслужаны дзеяч навукі Беларусі, кавалер ордэна «Знак Пашаны» – 80 гадоў з дня нараджэння.

21 – Парфяновіч Аляксандр Аляксандравіч (1950, Чавускі раён), акцёр, заслужаны артыст Беларусі – 70 гадоў з дня нараджэння.

24 – Каваленка Васіль Сцяпанавіч (1930), трэнер (стральба кулявая), майстар спор­ту СССР, заслужаны трэнер Беларусі і СССР – 90 гадоў з дня нараджэння.

25 – Корбан Уладзімір Іванавіч (1910, г. Барань – 1971), пісьменнік, сатырык, байка­пісец, заслужаны дзеяч культуры Беларусі – 110 гадоў з дня нараджэння.

25 – Салдатаў Міхаіл Мікалаевіч (1930–1997), музыкант, дырыжор, педагог, заслужаны дзеяч культуры Беларусі – 90 гадоў з дня нараджэння.

25 – Брухацкі Аляксандр Леанідавіч (1945), расійскі і беларускі акцёр, заслужаны артыст Расіі – 75 гадоў з дня нараджэння.

26 – Арцімовіч Анатоль Яфімавіч (1940, Вілейскі раён), скульптар, адзін са ствараль­нікаў мемарыяльных комплексаў «Курган Славы» і «Брэсцкая крэпасць-герой» (цэнтральны ўваход), заслужаны дзеяч мастацтваў Беларусі, лаўрэат Дзяржаўнай прэміі Беларусі (1998) – 80 гадоў з дня нараджэння.

27 – Чапскі Карл Эмерыкавіч (Кароль Ян Аляксандр; 1860, Дзяржынскі раён – 1904), дзяржаўны дзеяч, Мінскі гарадскі галава, пад кіраўніцтвам якога было завершана будаў­ніцтва гарадского тэатра, быў пушчаны трамвай-конка, пачалі дзейнічаць тэлефонная станцыя агульнага карыстання, электрастанцыя, піваварны завод «Багемія», праводзілася добраўпарадкаванне горада – 160 гадоў з дня нараджэння.

27 – Зеляноўскі Анатоль Антонавіч (1940, г. Горкі), вучоны ў галіне сельскагаспа­дарчай вытворчасці, заслужаны меліяратар Беларусі, кавалер ордэнаў Леніна, «Знак Паша­ны» – 80 гадоў з дня нараджэння.

27 – Здор Генадзь Мікалаевіч (1945, Хойніцкі раён – 2018), вучоны ў галіне апрацоўкі матэрыялаў і тэхналогіі машынабудавання, лаўрэат Дзяржаўнай прэміі Беларусі (1980) – 75 гадоў з дня нараджэння.

27 – Каржанеўская Галіна Анатольеўна (1950, Слуцкі раён), пісьменніца, драматург, крытык, аўтар чытанак для вучняў пачатковых класаў – 70 гадоў з дня нараджэння.

28 – Бандарэнка Барыс Васільевіч (1920–1986), вучоны-геафізік, інжынер, лаўрэат Дзяржаўнай прэміі Беларусі (1978) – 100 гадоў з дня нараджэння.

28 – Вышэйшая Духоўная Семінарыя Гродзенскай дыяцэзіі Рымска-каталіцка­га Касцёла ў Рэспубліцы Беларусь, (г. Гродна; 1990) – 30 гадоў з часу заснавання.

29 – Кнорын (сапр. Кнорыньш) Вільгельм Георгіевіч (1890–1938), дзяржаўны і партыйны дзеяч, гісторык, публіцыст, літаратурны крытык – 130 гадоў з дня нараджэння.

30 – Лазавой Аляксандр Мікалаевіч (1890–1954), вучоны-эканаміст, член-карэс­пандэнт НАН Беларусі – 130 гадоў з дня нараджэння.

31 – Шыманоўскі Аляксандр Нічыпаравіч (1850, Светлагорскі раён – 1918), этнограф, фалькларыст, аўтар зборніка «Мінская губерня і яе народная творчасць у сувязі з апісаннем народных свят і абрадаў», у якім сабраны каштоўны матэрыял па беларускай фалькла­рыстыцы і этнаграфіі – 170 гадоў з дня нараджэння.

31 – Кобрынскі інструментальны завод «СІТОМО», (1960) – 60 гадоў з часу заснавання.